İbni Ayzün - ابن عيذون

(ابو علی اسماعیل بن قاسم القالی) مشاهیر نحاتدن اولوب، بصریون مذهبنه تابع ولغت و شعرده دخی ماهر ایدی. ابن درید، ابو بكر انباری، نفطویه و درستویه كبی اىٔمۀ نحاتدن اخذ ایتمشیدی. نحو ولغت وادبیاره متعلق بر چوق تألیفاتی اولوب، باشلیجه لری شونلردر : ((الامالی)) ، ((البارع)) ، ((كتب المقصور والممدود))، ((كتاب فی الابل و تناجها))، ((كتاب فی حلی الانسان و الخیل و شیاتها))، ((كتاب فعلت وافلت))، ((كتاب مقاتل الفرسان))، ((شرح القصاىٔد المعلقات))، بونلردن ((البارع)) نام اثری ٥۰۰۰ ورقدن مركب و حروف هجا ایله مرتب مكمل برلغت كتابیدر. صاحب ترجمه ٢٨٨ تاریخنده دیاربكر ده طوغوب، بعده جزیره و عراقی طولاشه رق، ٣۰٣ تاریخنده بغداده داخل اولمش؛ و بعده استماع حدیث ایچون، موصله كیدوب، ٣۰٥ تاریخنده بغداده عودتله، ٣٢٨ سنه سنه دكین اوراده قالوب، تاریخ مذكوره ده اندلسه عزیمت ایتمش؛ و اورانك ملكی بولنان ناصر عبدالرحمن امویً طرفندن‌فوق العاده حرمت و تعظیم كورمش؛ و قرطبه ده توطن ایله، اندلس و شعراسیله صحبت ایده رك، و تدریس و افاده ایله مشغول اوله رق، ٣٥٦ تاریخنده اوراده وفات ایتمشدر.