ابن بيطار

Osmanlica ansiklopedi kamus alemde ابن بيطار maddesi. Sayfa:609


İbni Beytar - ابن بيطار

(ابو محمد ضیاء الدین عبدالله بن احمد _ ) مدنیت اسلامیه نك اك بیوك خادملرندن و ممالك اسلامیه ده یتیشن ارباب فنك اعاظمندن اولوب، علم نباتاتده مثلی نامسبوق بر دها ایدی. بناءً علیه (نباتی) و (عشاب) لقبلریله دخی ٣٩

معروفدر. آلتنجی قرن هجری اواخرنده اندلسك ملاقه شهرنده طوغوب، تحصیل علوم و فنونله علم نباتاته اختصاص ایتدكدن صكره، ایتالیا ویونان طرفلرینه سیاحتله، اورالرده مدت مدیده طولاشه رق، علم نباتات علماسیله عقد مذاكره و مباحثه ایتدكدن، و (دیسقوریدس) ك كتابنده مذكور اولوب عربی یه آز چوق غلط اوله رق ترجمه ایدلمش اولان نباتات متنوعه نك اسم اصلیلرینی تحقیق، و عینلرینی كوره رك عربیلرینی تحصیح ایله، بو بابده بر چوق تحقیقات و تعمیقات فنیه اجرا ایتدكدن صكره، مصره كیده رك، ملوك ایوبیه دن ملك كامل محمد بن ابی بكره انتساب ایتمش؛ و مشارالیه طرفندن فوق العاده اعزار و اكرام كوره رك، بتون مصر علمای نباتیوننك رىٔیسی اولمشیدی. حكمدار مشارالیهله برابر شامه كیتدیكنده، ((عیون الانباء فی طبقات الاطباء)) نك صاحبی موفق الدین ابن ابی اصیبعه ایله كوریشمش؛ و ابن اصیبعه یی فن نباتاتده كی معلومات واسعه سیله حیرتده براقمشیدی. كتاب مذكورده دیوركه : ابن بیطارله برابر دمشقك جوارلرنده نباتات طوپلامغه چیقدیغمزده، هرالینه كچن نباتك اسم یونانی و عربیسنی سویلر، و هر بری حقنده دیسقوریدس و جالینوسك تعریفلرینی واكثر نباتیونك خطالرینی وهر نباتك خصایصنی ونره لرده حاصل اولدیغنی سویلردی. ملك كامل دمشقده وفات ایتدكدن صكره، صاحب ترجمه مصره كیدوب، وارثی اولان ملك صالح نجم الدینه انتساب ایتمش؛ و بونك طرفندن دخی فوق العاده اعزاز اولنه رق، بعده ینه دمشقه عودتله، ٦٤٦ تاریخنده اوراده وفات ایتمشدر. تألیفات مشهوره سی شونلردر : ((كتاب الابانة والا علام بما فی المنهاج من الخلل و الاوهام))، ((شرح ادویة كتاب دیسقوریدس))، ))المغنی فی الادویة المفردة)) كه ((مفردات ابن بیطار)) نامیله معروفدر، ((كتاب الافعال الغریبه و الخواص العجیبه))، ((الجامع فی الادویة المفردة))، ملك صالح نجم الدینك نامنه یازمش اولدیغی بو صوك اثری مفردات طب و نباتاتده مثلی نامسبوق صورتده مكمل بر اثردر.

Kamusul Alamde İbni Beytar maddesi, ابن بيطار osmanlica tarih ve cografya ansiklopedisi İbni Beytar nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282