İbni Betuta ~ ابن بطوطه
Kamus-ul'Alam - İbni Betuta ~ ابن بطوطه maddesi. Sayfa: 607 - Sira: 8
İbni Betuta - ابن بطوطه
(ابو عبدالله محمد بن محمد) مشاهیر علمای عربدن اولوب، مشهور اولان سیاحتلریله معروفدر. ٧۰٢ تاریخ هجریسنده مغربك طخجه شهرنده طوغوب، ٧٨۰ تاریخلرنده وفات ایتمشدر. ٢٣ یاشنده ایكن، سیاحته چیقوب، مصری، سوریه یی، ایرانی، جزیرة العربی، وساىٔر جزایر بحر محیطی و حینی طولاشه رق، ٢٥ سنه سیاحتدن صكره وطنی اولان ضجه یه عودت ایتمش؛ و بعده اندلس یعنی اسپانیایی و فرانسه نك بعض طریقلرینی كزوب، اوچنجی سیاحت اولمق اوزره، صحرای كبیر و سودانه داخل اولوب آفریقای و سطی و شمالی یی دخی سیر ایتمشدر. الحاصل بتون عمرینی سیاحتده كچیروب، او وقتده كی وساىٔطله اجراسی محال عد اولنه جق قدر اوزون سیاحتلر ایده رك، او زمان معلوم اولان اقطار ارضك همان كافه سنی كورمشدر. یازدیغی مفصل سیاحتنامه بر روایته
كوره قاهره ده وبر روایته كوره ده فاسده محفوظ بولنمش اولدیغی حالده، الآن بولنه مامش؛ و آنجق مغرب علماسندن محمد حربىٔ كلبینك فاس حكمداری متوكل علی اللهك امریله یازمش اولدیغی مختصری بولنوب، آوروپاده دفعاتله طبع، و آوروپا لسانلرینه ترجمه، و اخیراً مصرده دخی نشر اولنمشدر. بو سیاحتنامه محاكمه دن عاری اولوب، صاحبی هر ایشیتدیكنی یازمش، و بعض حارق عاده شیلری دخی حاوی بولنمش ایسه ده، اقطار بعیده و علی الخصوص آفریقای و سطی حقنده ویردیكی معلومات پك قیمتداردر. اصل مفصلی بولنوب ده، میدانه قونیله جق اولسه، ممالك اسلامیه و علی العموم قرون وسطی جغرافیا سنه بر بیوك خدمت اوله جغی شبهه سزدر.
Kamusul Alam, Şemseddin Sami; Kamusul Alamde İbni Betuta maddesi. osmanlıcada İbni Betuta ne demek, İbni Betuta anlamı manası, İbni Betuta osmanlıca nasıl yazılır. Osmanlıca sözlükte İbni Betuta hakkında bilgi. Arapça İbni Betuta ne demek. Arapça osmanlıca sözlük. Farsçada İbni Betuta anlamı
Kamusul Alamde - ابن بطوطه İbni Betuta maddesi. Şemseddin Sami, Kamusul Alam Ansiklopedisi