İbni Barizi - ابن بارزی

(شرف الدین ابو القاسم هبة الله بن نجم الدین حموی) حماده قاضی القضاة اولوب، اكثر علوم و فنونده عالم و فاضل و كامل بر ذات ایدی. مورخ مشهور ابو الفدانك معمی اولمغله، تاریخنده اوصافنی ذكر ایتمش، و وفاتنده بر اوزون مرثیه سویلمشدر. تصنیفات كثیره سی اولوب، باشلیجه لری شونلردر : ٢ جلد اوزره ((كتاب البستان فی تفسیر القرآن))، ١٢

جلد اوزره ((كتاب روضات جناب المحبین))، حدیثه متعلق ((كتاب المجتبی مختصر جامع الاصول))، ((كتاب المحنی))، ((كتاب الوفا فی الحادیث المصطفی))، ((كتاب المجرد من السند))، ٤ جلد اوزره ((كتاب المنصند شرح المجرد))، فقهده ((اظهار الفتاوی من اعوار الحاوی)) عنوانلی ((حاوی)) شرحی، ((تیسیر الفتاوی من نحریر الحاوی))، ٤ جلد اوزره ((شرح نظم الحاوی))، ((تنبیه)) ك مخصوص اولان ((مغنی))، ((تمییز التعجیز))، ((توثیق عری الایمان فی تفضیل حبیب الرحمن))، ((السرعة فی القراآت السبعة))، ((الدرایةً الاحكام الرعایة))، طبیعت شعریه سی دخی اولوب، بر دوكونه دعوت ضمننده یازمش اولدیغی شو قطعه جملۀ اشعارندندر : طعام العرس مندوب الیه و بعض الناس صرح بالوجوب فجبراً بالتناول منه جرباً علی المعهود فی جبر القلوب