İbni Büays - ابن بعيث

(محمد _) خلفای عباسیه رجالندن اولوب، معتصمك زماننده آذربایجانده عصیان ایتمكله، طوتلمش اولدیغی حالده، متوكلك زماننده ینه طریق عصیانه صاپمغله، ٢٣٥ تاریخنده برادرلری و اوغللریله برابر طوتیلوب، خلیفه نك حضورینه كتیرلدكده، خلیفه بیوننك اورلمسنی امر ایتمش ایسه ده، ادیب و شاعر بر آدم اولدیغندن، ارتحالاً سویلدیكی ابیات ایله استرحام عفو ایتدیكندن، اعدامندن صرف نظر اولنه رق، حبس اولنمش؛ و آنجق بیوننده كی زنجیر پك آغر اولدیغندن، بر آی صكره محبسده وفات ایتمشدر.