Ayastefanos ~ آياستفانوس
Kamus-ul'Alam - Ayastefanos ~ آياستفانوس maddesi. Sayfa: 505 - Sira: 3
Ayastefanos - آياستفانوس
روم ایلنده درسعادت جوارنده اولوب، شهر امانتنه ملحق چنالجه سنجاغنك كوچك چكمجه قضاسنه تابع بر قریه در، كه روم ایلی دمیر یولی خطنك جنوبنده و مرمره دكیزی ساحلنده اوله رق، استانبولك (یعنی یدی قله قپوسنك) ٩ كیلومتره غربنده واقعدر. اطرافی آچیق و هواسی لطیف اولوب، اغنیا صیفیه لری اولمق اوزره، بر طاقم كوزل كوچك ویالیلری وبر قاچ مسافرخانه وقازینو ودكان وساىٔره ایله یوز قدر خانه یی جامعدر. اهالیسی همان كاملاً خرستیاندر. قریۀ مذكوره ایله استانبول آره سنده واقع (مقری كویی) بو صوك سنه لرده خیلی توسع ایدوب، كسب معموریت ایتدیكی حالده، آیاستفانوس بالعكس تدنی ایتمشدر. ١٢٩٤ تاریخ هجریسنده واقع محاربه ده روس عسكری بعد المتاركه بو قریه یه قدر كلوب، اوراده دولتین بیننده ((آیاستهانوس معاهده سی )) نامیله
شهرت بولان بر معاهده امضا اولنمش ایسه ده، برلین قونغره سی طرفندن فسخ اولنه رق، برلین معاهده دی اونك یرینی طوتمشدر.
Kamusul Alam, Şemseddin Sami; Kamusul Alamde Ayastefanos maddesi. osmanlıcada Ayastefanos ne demek, Ayastefanos anlamı manası, Ayastefanos osmanlıca nasıl yazılır. Osmanlıca sözlükte Ayastefanos hakkında bilgi. Arapça Ayastefanos ne demek. Arapça osmanlıca sözlük. Farsçada Ayastefanos anlamı
Kamusul Alamde - آياستفانوس Ayastefanos maddesi. Şemseddin Sami, Kamusul Alam Ansiklopedisi
Ayastefanos ~ آياستفانوس güncel sözlüklerde anlamı:
ayastefanos ::: istanbul yeşilköy'ün eski adı