Ayacucho ~ آياقوشو
Kamus-ul'Alam - Ayacucho ~ آياقوشو maddesi. Sayfa: 509 - Sira: 3
Ayacucho - آياقوشو
پروده ینه بو اسمله تسمیه اولنان ایالتك مركزی اولان بر شهردر، كه ایالت مذكوره نك منقسم بولندیغی سنجاقلردن (هوآمانغه) سنجاغنك مركزی اولوب، (آند) سلسلۀ جبالنك غربی صره سنك شرق طرفنه ناظر ماىٔله سنده، لیمادن قوزقویه كیدن طریقك اوزرنده ولیمانك ٤٧٥ كیلومتره شرق جنوبیسنده واقع و ۰۰۰ ٢۰ اهالی یه جامعدر. بو قصبه نك ایچندن بر قاچ دره آقوب، (آیوریماق) نهرینه دوكیلن (سانته آنه) چاینه منصب اولورلر. بو شهر ١٥٣٩ تاریخ میلادیسنده لسان محلیده ((شاهین قیاسی)) دیمك اولان
(هوآمانغه) نامیله تأسیس اولنوب، بعده اسمی دكیشدیرلمشدر. سوقاقلری منتظم و ابنیه سی كوزلدر. اهالینك تمدننه خیلی خدمت ایتمش اولان بر آقادمیاسی یعنی انجمن معارفی دخی واردر. اطرافی مزروع و پك منبتدر.
Kamusul Alam, Şemseddin Sami; Kamusul Alamde Ayacucho maddesi. osmanlıcada Ayacucho ne demek, Ayacucho anlamı manası, Ayacucho osmanlıca nasıl yazılır. Osmanlıca sözlükte Ayacucho hakkında bilgi. Arapça Ayacucho ne demek. Arapça osmanlıca sözlük. Farsçada Ayacucho anlamı
Kamusul Alamde - آياقوشو Ayacucho maddesi. Şemseddin Sami, Kamusul Alam Ansiklopedisi