Ajaccio - آياچو

قورسیقه آطه سنك مركزی اولان مستحكم بر شهردر، كه جزیره نك ساحل غربیسنده همنامی اولان بر كورفزك ایچنده و ً١ َ٥٥ ْ٤١ عرض شمالی ایله َ٢٤ ْ٦ ً١٨ طول شرقیده واقع اولوب، ٥٥۰ ١٦ اهالیسی، مكتب اعدادیسی، ۰۰۰ ٢٧ جلدی حاوی كتبخانه سی، مكمل موزه خانه سی، زراعت وفنون وصنایع جمعیتلری، مقارنه و چیغاره فابریقه لری وحبوبات، شراب، بال، دری، یاغ، كراسته، پورتقال، لیمون وساىٔره دن عبارت ایشلك بر تجارتی واردر. بر برون اوزرنده مؤسس اولوب، سوقاقلری واسع وابنیه سی كوزلدر. شهرك ایچنده بر قاچ میدان اولوب، برینك اوكنده بوناپارتك طوغدیغی خانه موجوددر. واو میدانده مشارالیهك بر هیكلی ركز اولنمشدر. استحكاماتی پك متین اولدیغی كبی، لیمانی دخی واسع وامیندر. اطرافنده كوزل باغچه لری وتفرجكاهلری واردر. آیاچو رومالیلرك زماننده دخی (اورچونیوم) نامیله موجود ایدیسه ده، لیمانك شمال جهتنده ایدی. شمدیكی شهر ایسه یكی اولوب، بو آطه فرانسه نك الینه كچدكدن صكره، و اك زیاده بو تاپارتك وطنی اولمق حسبیله، بیویوب، قورسیقه ایالتنك مركزی اتخاذ اولنمشدر.

حیرت افزادر. قلعه نك جوارنده زیر زمینده طاشدن اویولمش اوچیوز قدر اوطه كوریلیور،كه بهرینك ٨ آرشون وسعت و ٣ آرشون ارتفاعی اولوب، احتماله كوره میتلرك وضعنه مخصوص ایمشلردر. بو قصبه نك جوارلری اوچ وقوعات مهمۀ تاریخیه نك محل اجراسی بولنمشدر، كه بونلرك برنجیسی میلاددن ٣٣٣ سنه اول بیوك اسكندرك دارایی مغلوب ایتمش؛ ایكنجیسی میلادك ١٩٤ تاریخنده رومالیلردن (سپتیم سور) ك (پسچینوس نیجر) ە غلبه چالمسی؛ اوچنجیسی ده ٦٢٢ تاریخ میلادیسنده قسطنطینیه روم ایمپراطورلرندن (هراقلیوس) ك كسرایی انهزامه دوچار ایتمشدر. قرون وسطاده وندیك وجنوه بحریونی عندنده (آیاچو) نامیله معروف اولوب، ینه خیلی اهمیتی حاىٔز ایدی. بوكونكی كونده آیاس قصبه ده، مذكور لیمانك كرك تجارت و كرك حرب ایچون اولان استعداد طبیعیسنه بناءً، آناطولی دمیر یوللرینك بر اوجی ده اورایه منتهی اولمسی ضروری اولوب، او حالده ینه اسكی اهمیت و معموریتنی كسب ایده جكی مأمولدر.