آناطولی حصاری

Osmanlica ansiklopedi kamus alemde آناطولی حصاری maddesi. Sayfa:399


Anadolu Hisarı - آناطولی حصاری

قره دكیز بوغازینك اك طار محلنده آناطولی ساحلنده اسكی بر حصاردر، كه قسطنطینیه نك محاصره و ضبطنی تسهیل مقصدیله ٧٩٨ تاریخ هجریسنده یلدیرم سلطان بایزید حضرتلری طرفندن بنا اولنمشدر. اصل اسمی (كوزلجه حصار) در. بو وجهله الیوم استانبولك محلاتندن معدود اولان آناطولی حصاری استانبولدن ٥٩ سنه اول فتح اولنمش دیمكدر. بعده سلطان محمد ثانی حضرتلری بو حصارك قارشیسنده یعنی روم ایلی ساحلنده رومیلی

حصارینی بنا ایده رك، قره دكیز بوغازینی مراكب اعدایه بسبتون سد و بند بیورمشلردر. آناطولی حصاری كوك صومنصبنك صاغ طرفنده و كوچك صو چایرینك قارشیسنده غایت كوزل بر موقعده اولوب، حصار الیوم خراب و متروك ایسه ده، اطرافنده كرك كوك صو ساحلنجه و كرك ساحل بحر بوینجه بر چوق یالیلر، و اوستنده كی زمرد آسا تپه لرده بر طاقم مفرح كوشكلر بولنمغله، بوغاز ایچنك صیفیه اتخاذ اولنان قراسنك اك كوزللرندندر؛ و هواسی سرت اولمیوب معتدلدر. اسكداره ملحق قاكلیجه داىٔرۀ بلدیه سنه تابعدر.

Kamusul Alamde Anadolu Hisarı maddesi, آناطولی حصاری osmanlica tarih ve cografya ansiklopedisi Anadolu Hisarı nedir anlami. hakkinda bilgi



7 14 21 28 35 42 49 56 63 70 77 84 91 98 105 112 119 126 133 140 147 154 161 168 175 182 189 196 203 210 217 224 231 238 245 252 259 266 273 280