Allemand ~ آلمان
Kamus-ul'Alam - Allemand ~ آلمان maddesi. Sayfa: 336 - Sira: 6
Allemand - آلمان
آوروپانك اك بیوك و اك متمدن اممندن اولوب، تقریباً ٥۰ ملیون نفوسی جامعدر. آلمانلر امم آریه جمله سندن اولوب، اسكی (توتون) لرك احفادیدرلر؛ واسقاندیناولیلرله جنسیت ولسانجه قرابتلری پك یقین اولدیغی كبی، لسانلرینك فارسی وسانسكری لسانیله مناسبتلری دخی ساىٔر السنۀ آریه دن دها واضحدر. بونلرك كندیلرنجه اسم ملیلری (توتون) اسم قدیمیله مناسبتی ظاهر اولان (دابچه) اولوب، ایتالیانلر طرفندن (تودسق) تسمیه
اولنور. اسكی یونانیلرله رومالیلر كندیلرینه (جرمان) ویا (كرمان) اسمنی ویرمشلردی، كه بو اسم الآن انكلیزجه وساىٔر بعض لسانلرده مستعملدر. (آلمان) اسمی ((بتون انسانلر)) مفهومنی بیان ایدر ینه آلمانجه بر تعبیردر، كه ابتدا رومالیلر زماننده بعض اقوام جرمانیه بیننده تشكل ایتمش اولان بر هیىٔت اتفاقیه نك اسمی ایدی. بونلر رومالیلرله بر چوق محاربه لر یتدكدن صكره، قسماً روما دولتنه مطیع اوله رق اسویچره وآلساس ایله باویره طرفلرنده اسكان ایتمشلردی. بو اسم رفته بتون جرمان امتنه تعمیم اولنمشدر. نفس آلمانیا وپروسیه دن بشقه، اسویچره نك قسم اعظمیله آوستریانك غرب جهتی اهالیسی آلمان اولدقلری كبی، آوستریا ومجارستانك ساىٔر طرفلرنده وروسیه نك شمال غربی طرفنده دخی خیلی آلمانلر بولنیور. فلمنكلیلرله بلچیقه نك (فلامان) لری دخی آلمان امتنك شعباتندن معدوددر. پروسیه وقتیله اسلاولرك وطن ومركزی بولنمش ایكن، مرور زمانله آلمانلرك الینه چكمشدر. اكر اهالیسی اسلاو اولان بوهمیا (یعنی چهستان) ایله موراویا آلمان ممالكی بایچنه بر برون كبی كیرمه مش اوله ایدی، آلمانلرله مسكون اولان یرلر غیر منتظم بر مربع شكلنی ابراز ایده جكدی.
Kamusul Alam, Şemseddin Sami; Kamusul Alamde Allemand maddesi. osmanlıcada Allemand ne demek, Allemand anlamı manası, Allemand osmanlıca nasıl yazılır. Osmanlıca sözlükte Allemand hakkında bilgi. Arapça Allemand ne demek. Arapça osmanlıca sözlük. Farsçada Allemand anlamı
Kamusul Alamde - آلمان Allemand maddesi. Şemseddin Sami, Kamusul Alam Ansiklopedisi