آلكساندر

Osmanlica ansiklopedi kamus alemde آلكساندر maddesi. Sayfa:328


Alexandre - آلكساندر

بو اسمله سكز پاپا كلمشدر، كه برنجی آلكساندر. _ رومالی اولوب، میلادك ١۰٩ تاریخنده انتخاب اولنمش؛ و ١١٩ ده مقتولاً وفات ایتمكله، بین النصارا كندیسنه بعض كرامات اسناد اولنه رق، اعزه صره سنه چكیرلمشدر. ایكنجی آلكساندر. _ اصل اسمی (آنسلم ده باجو) اولوب میلانلی

انواعنی ترتیب وتهیىٔه ده كندینه مخصوص بر علم ومهارتی اولوب، كندیندن بشقه كیمسه نك بیلمدیكی بر طاقم سملرله پك‌ چوق آدملر تسمیم ایتمشدر. ابتدا فرانسه قرالی سكزنجی شارل ایله محاربه ایتمش ایسه ده، بعده اون ایكنجی لویی ایله عقد اتفاق ایتمش؛ وبو اتفاق یاردمیله بر چوق پرنسلرك ملكلرینی ضبط، و بر طاقم پرنسلكلره دخی كندی اولاد غیر مشروعه سنی نصب ایتمش؛ والحاصل سیاست عالمنی دخی دسایسیله آلت اوست ایتمشیدی. سلطان جم بوكا انتجا ایتمش ایدی. فرانسه قرالی سلطان مشارالیهك كندیسنه تسلیم اولمسی شرطیله صلحی قبول ایتدیكی حالده، آلكساندر بورجیا بر طرفدن سلطان جمی تسلیم ایتمكه مجبور اولوب، بر طرفدن ده سلطان بایزید حضرتلری طرفندن سلطان جمی فرانسه قرالنه تسلیم ایتمه مك ایچون كلی بر مبلغ آلمش اولدیغندن، سمیات مخزننه مراجعتله، سلطان مشارالیهه ایكی كون صكره تأثیری اوله جق بر سم قاتل ایچر دكدن صكره، فرانسه قرالنه كوندرمش؛ وبو وجهله سلطان جم، فرانسه اردوسنه وصول بولمازدن متأثراً وفات ایتمشدر. الجزاء من جنس العمل حكمنجه آلكساندر بورجیا بعض قاردیناللری تسمیم ایچون حاضرلمش اولدیغی سملی شرابدن یاكلیشلقله كندیسی ایچون، میلادك ١٥۰٣ تاریخنده بر موت مدهشله هلاك اولمشدر. یدنجی آلكساندر _ اصل اسمی (فابیو كیكی) اولوب، میلادك ١٥٩٩ تاریخنده (سیانه) شهرنده طوغمش، ١٦٥٥ ده انتخاب اولنمش، و ١٦٦٧ ده وفات ایتمشدر. عالم وحسن اخلاق صاحبی بر آدم اولوب، و اتیقانجه بعض اصلاحات اجرا وروما شهرینی تزیین ایله، معارف وصنایعی حمایه ایتمشدر.‌ سكزنجی آلكساندر _ اصل اسمی (پیر اوتوبونی) اولوب، میلادك ١٦١۰ تاریخنده وندیكده طوغمش، و ١٦٨٩ ده وفات ایتمشدر. متعصب بر آدم اولوب، فرانسه ده پروتستانلرك سربست اجرای آیین ایتمسنه اذن ویرن فرانسه مجلس روحانیسنك قرارینی رد ایله، بو قراری ویرن روحانیلری طرد ایتمش؛ وعنمانیلره قارشی محاربه ایتمك ایچون برنجی لىٔوپولد ایله وندیكلیلره كلیتلی مبالغ ویرمشیدی.

Kamusul Alamde Alexandre maddesi, آلكساندر osmanlica tarih ve cografya ansiklopedisi Alexandre nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282