آطنه

Osmanlica ansiklopedi kamus alemde آطنه maddesi. Sayfa:220


Adana - آطنه

سنجاغی. همنامی اولان ولایتك مركزی لواسی بولنان بو سنجاق آطنه ولایتنك اك منبت، اك كوزل واك قابل اعمار قسمندن عبارت اولوب، ولایتك اورته سنده بولنمغله، جهت جنوبیه سی ینه آق دكیزله محدود اولدیغی حالده، شرقاً جبل بركت، شمالاً قوزان، شمال غربی طرفندن قونیه ولایتنه ملحق اولان نیكده وقونیه، غرب جنوبی طرفندن دخی ایج ایل سنجاقلریله محاطدر. مساحۀ سطحیه سی تقریباً ١٥۰۰۰ مربع كیلومتره اولوب، غرب شمالی جهتی بلغار طاغی سلسله سنك اتكلرندن وجنوب شرقی قسمی دخی چقور اووه دن عبارتدر. سیحان وجیحان ایرماقلریله بلغار طاغی اتكلرندن آقان متعدد نهرلر بو سنجاغی اروا ایدیور. بو سنجاق ٤ قضادن مركب اولوب، نفس آطنه قضاسی سنجاغك شرق جنوبی طرفندن عبارت، قره عیسالی قضاسی بونك شمال طرفنده، طرسوس قضاسی جهت غربیه سنده ومرسین قضاسی ده طرسوس قضاسنك غرب جنوبی جهتنده در. بو درت قضا من حیث المجموع ١٨ ناحیه یی جامعدرلر.

Kamusul Alamde Adana maddesi, آطنه osmanlica tarih ve cografya ansiklopedisi Adana nedir anlami. hakkinda bilgi



4 11 18 25 32 39 46 53 60 67 74 81 88 95 102 109 116 123 130 137 144 151 158 165 172 179 186 193 200 207 214 221 228 235 242 249 256 263 270 277 284