İbni Hurdadabe ~ ابن خردادبه
Kamus-ul'Alam - İbni Hurdadabe ~ ابن خردادبه maddesi. Sayfa: 620 - Sira: 2
İbni Hurdadabe - ابن خردادبه
(ابو القاسم عبیدالله بن عبدالله) مشاهیر جغرافیون و مورخیندن اولوب، ٣۰۰ تاریخلرنده وفات ایتمشدر. جدی ایرانلی اولوب، براكمه یه بالانتساب اهتدا ایتمش؛ و كندیسی خلیفه معتمدك مقربلرندن بولنمشدر. ((كتاب المسالك و الممالك)) عنوانیله مشهور بر جغرافیاسی واردر، كه بلاد و ممالك آره سنده كی مسافه لری و مملكتلرك احوال تجاریه وزرعیه لریله منابع ثروتلرینی مبین اولمغله، اقطار اسلامیه نك مدنیت اسلامیه نك پارلاق زماننده كی احوالنه كسب اطلاع ایچون كوزل بر واسطه در. ((كتاب آداب السما)) ((كتاب جمهور انساب الفارس))، ((كتاب الشراب))، ((كتاب الانواء)) ، ((كتاب الندماء و‌الجلسا)) عنوانیلریله بر قاچ تألیفاتی دها واردر. جغرافیاسی فرانسزجه و آلمانجه یه ترجمه اولنه رق، ١٨٦٥ و ١٨٦٤ تاریخ میلادیسنده پارسده و لیپسیغده طبع اولنمشدر.
Kamusul Alam, Şemseddin Sami; Kamusul Alamde İbni Hurdadabe maddesi. osmanlıcada İbni Hurdadabe ne demek, İbni Hurdadabe anlamı manası, İbni Hurdadabe osmanlıca nasıl yazılır. Osmanlıca sözlükte İbni Hurdadabe hakkında bilgi. Arapça İbni Hurdadabe ne demek. Arapça osmanlıca sözlük. Farsçada İbni Hurdadabe anlamı
Kamusul Alamde - ابن خردادبه İbni Hurdadabe maddesi. Şemseddin Sami, Kamusul Alam Ansiklopedisi