İbni Havkal ~ ابن حوقل
Kamus-ul'Alam - İbni Havkal ~ ابن حوقل maddesi. Sayfa: 619 - Sira: 1
İbni Havkal - ابن حوقل
اعاظم جغرافیون اسلامدن اولوب، تألیف كرده سی اولان ((كتاب المسالك و الممالك)) عنوانلی اثری آوروپاجه فوق العاده شهرت و اعتبار بولمش؛ و السنۀ مختلفه یه ترجمه اولندیغی كبی، متن عربیسی دخی ١٨٧٣ تاریخ میلادیسنده (لیدن) شهرنده و نشر اولنمشدر. كندیسی موصللی اولوب، تجارتله مشغول ایدی. عراق، فارس، شام، مصر، مغرب، اندلس، صقلیه وساىٔر ممالك اسلامیه نك هر طرفنه سیر و سیاحت ایده رك، كتاب مذكورده بیان ایتدیكی یرلرك اكثریسنی كورمش، و احواللرینی تحقیق ایتمشدر. آنجق كندیسی جغرافیا فنی منسوبینندن اولمیوب، ارباب تجارتدن اولدیغندن، فناً بعض خطالری واردر؛ و كتابنه جغرافیادن زیاده سیاحتنامه دنیله بیلیر. بو سیاحتی ٢٨ سنه سوروب، ٣٥۰ تاریخلرنده اندلسده بولنیوردر.
Kamusul Alam, Şemseddin Sami; Kamusul Alamde İbni Havkal maddesi. osmanlıcada İbni Havkal ne demek, İbni Havkal anlamı manası, İbni Havkal osmanlıca nasıl yazılır. Osmanlıca sözlükte İbni Havkal hakkında bilgi. Arapça İbni Havkal ne demek. Arapça osmanlıca sözlük. Farsçada İbni Havkal anlamı
Kamusul Alamde - ابن حوقل İbni Havkal maddesi. Şemseddin Sami, Kamusul Alam Ansiklopedisi