İbni Haldun - ابن خلدون

( عبدالرحمن بن محمد _ حضرمی) اك بیوك و اك مشهور مورخیندن اولوب، تاریخنده التزام ایتدیكی

عمر طرفندن مقامنده ابقا اولنمشیدی. آنجق كندیسی اندلسه سیاحت ایتمك آرزوسنده بولندیغندن، اذن آلوب، چوجقلرینی والده لریله برابر قسنطینه ده كی داییلرینه كوندره رك، كندیسی اندلسه بالمرور، ٧٦٤ تاریخنده غرناطه یه داخل اولمش؛ ووزیر لسان الدین ابن خطیبنك مدح وتوصیه سی اوزرینه، غرناطه حاكمی ابن احمر طرفندن فوق العاده حسن قبول و اكرام و احترامه ناىٔل اولمشدر. بر سنه صكره قشتاله حكمدار نصرانیسنك آرزو و التماسی اوزرینه، اورایه سیاحت ایدوب، فوق العاده حرمت و اكرام كورمش؛ و اشبیلیه ده كی املاك موروثه سنك اعاده سی شرطیله اوراده اقامتی تكلیف اولنمش ایسه ده، قبول ایتمدیكندن، بر طاقم ذی قیمت هدیه لر آلدقدن صكره، غزناطه یه عودت ایتمشدر. زوجه سیله چوجقلرینه فوق العاده محبتی اولدیغندن، ابن احمردن اذن ایستمش‌ ایسه ده، مشارالیه عزمیتنه اذن ویرمیوب، صورت مخصوصه ده كمی كوندره رك، عاىٔله سنی جلب ایتمشدر. بعده حسودلرك القاآتی ثمره سی اوله رق، ابن خطیبله بینلرنده برودت حاصل اولدیغندن، اندلسی تركله، بجایه یه كچه رك، اورانك حاكمی سلطان ابو عبدالله طرفندن وزیر تعیین اولنوب، بر مدت ادارۀ امور دولت ایتدكدن صكره، ینه حسودلر طرفندن راحتی قالدیریله رق، صحرای كبیر طرفندن اولان بسكره یه چكلمش؛ و او صره ده تلمسان حاكمی و غرناطه وزیری قدومنی التماس ایتدكلری حالده، مطالعه و تألیفه حصر اوقات ایتمش اولدیغندن، اجابت ایتمه مش ایسه ده، مؤخراً تلمسان حاكمی ابو حمو طرفندن مأموریت مخصوصه ایله اندلسه كوندریله رك، كیتمكده ایكن، فاس حاكمی عبدالعزیز مرینی طرفندن توقیف، و بر كون حبس اولنمش؛ و بعده اطلاق اولنه رق، اكرام و اعزاز، و بعض مأموریتلره تعیین اولنمشدر. ٧٧٦ تاریخنده فاس حاكمی ابو العباسدن اذن آله رق، ینه اندلسه كیتمش؛ و ابن احمر طرفندن فوق العاده رعایت كوروب، ابن خطیبك یرینه وزیر تعیین اولنمشدر. او صره ده عاىٔله سنی جلب ایتمك ایستدیكنده، تلمسان حاكمی مانع اولدیغندن، ابن خلدون بالذات تلمسانه كیتمكه مجبور اولمش؛ و تلمسان حكمی طرفندن استخدامی آرزو اولنمش ایسه ده، امور سیاسیه دن متنفر اولدیغندن، قبول ایتمیوب، (بنی توجین) بلادندن (قلعۀ

بنی سلامه) یه چكیله رك، اوراده مطالعه یه حصر اوقات، و تاریخ مشهورینك تحریرینه مباشرب ایتمشدر. ٧٨۰ تاریخنده مسقط رأسی اولان تونسه عودتله، تدریسله اشتغاله باشلاش ایسه ده، كرك علم و فضلنك شهرتی و كرك امیر ابراهیم بن عباسك كندیسی حقنده اولان توجهی و علی الخصوص تاریخنی زیاده سیله بكنمسی ینه حسودلرك تزویراتنی اویاندیرمغله، اوراده دخی طوره میوب، ٧٨٤ تاریخنده بحراً اسكندریه یه كیتمش؛ و اورادن حجه كیتمك ایستمش ایسه ده، اوسنه موفق اوله میوب، قاهره یه عزیمتله ، جامع ازهرده تدریسه باشلامش؛ و سلطان مصر بر قوق طرفندن مالكی مذهبنده قاضی القضاة تعیین اولنمش؛ و شامك تیمورلنك طرفندن ضبطی صره سنده، سلطان مشارالیهك معیتنده بولنوب، تیمورلنك طرفندن حرمت و تعظیم كورمشدر. او صره ده عاىٔله سنی مصره كتیرمكه تشبث ایدوب،‌ بتون‌ خانه سی خلقنك سواراولدقلری سفینه باتمغله، بو مصیبتك اوزرینه، قاضیلقدن استعفا ایدوب، بقیۀ عمرینی قاهره ده تدریس و تألیفله و مغرب و اندلسده كی ادبا و احباسیله مخابره ایله كچیره رك، ٧٨٩ ده ایفای فریضۀ حج ایتمش؛ و ٨۰٦ ده رحمت حقه ناىٔل اولمشدر. یدی بیوك جلددن مركب اولان تاریخنده بشقه، اسپانیانك (اسكوریال) كتبخانه سنده بر نسخه سی موجود اولان بر غرناطه تاریخی و منطق و ادبیات وساىٔره یه داىٔر بعض تألیفاتی و بر چوق اشعاری واردر. تاریخی تحقیق و تدقیقده بینظیر اولوب، علی الخصوص بر برلرك احوالنه داىٔر بو كونكی كونده بتون آوروپا مورخلرینك مرجع و مأخذی حكمنه كچمشدر. آنجق عباره سی بر آز عقده لی اولدیغی كبی، اسماء خاصه نك املاسنجه بعض خطالری و نسخ موجوده نك جمله سنده بیاض قالمش بعض محللری واردر. متنی مصرك بولاق مطبعه سنده ١٢٨٤ تاریخنده ٧ بیوك جلد اوزره طبع اولنمشدر. مقد مه سنك ایكی قسمی پیریزاده و اوچنجی قسمی اخیراً جودت پاشا حضرتلری طرفندن لسانمزه ترجمه و ٣ جلد اوزره نشر ایدلمش اولدیغی كبی، تاریخنك باشندن بر قسمی دخی مرحوم صحبی پاشا طرفندن ترجمه و نشر اولنمشدر. مقد مه سی وتاریخنك بعض قسملری آوروپا لسانلرینه ترجمه، و مغربه متعلق اولان قسمی دخی

فرانسزجه ترجمه سیله برابر جزایر ده نشر اولنمشدر. شی ایكی بیت صاحب ترجمه نك جملۀ اشعارندندر : اسرفن فی هجری و فی تعذیبی واطلن موقف عبرتی و نحیبی وابین یوم البین موقف ساعة لعواد مشغوف الفوأد كثیب