İbni Cezle ~ ابن جزله
Kamus-ul'Alam - İbni Cezle ~ ابن جزله maddesi. Sayfa: 614 - Sira: 2
İbni Cezle - ابن جزله
(یحی بن عیسی) بشنجی قرن هجری مشاهیر اطباسندن اولوب، ادبیاتدن دخی بهره سی و حسن خطی وار ایدی. خلفای عباسیه دن مقتدی بامراللهك نامنه بر طاقم كتب طبیه تألیف، و پك چوق كتابلر استنساخ ایله، بر چوق كتابلر ایدنمشیدی. كه وفاتنده ابو حنیفه نك مشهدینه و قف ایتمشدر. ابتدا نصرانی اولوب، ٤٦٦ ده اسلامه كلمش، و ٤٩٣ ده وفات ایتمشدر. فقرا و محتاجینك اولرینه قوشوب، خسته لرینی مجاناً تداوی ایدر، و علاجلرینی دخی كندیسی كوتورور محب خیرات بر ذات ایدی. تألیفاتی شونلردر : كافۀ نباتات وادویه وساىٔر مواد طبیه نك حروف هجا صره سیله اسملرینی حاوی اولان ((منهاج البیان فیما یستعمله الانسان))، ((تقویم الابدان))، ((كتاب الاشارة))، ((رسالة فی مدح الطب و موافقته الشرع)) بونلردن بشقه، اهتدا ایتدكدن صكره راهب الیاس اسمنده بر آدمه خطاباً خرستیانلغه قارشی برردیه یازمشدر.
Kamusul Alam, Şemseddin Sami; Kamusul Alamde İbni Cezle maddesi. osmanlıcada İbni Cezle ne demek, İbni Cezle anlamı manası, İbni Cezle osmanlıca nasıl yazılır. Osmanlıca sözlükte İbni Cezle hakkında bilgi. Arapça İbni Cezle ne demek. Arapça osmanlıca sözlük. Farsçada İbni Cezle anlamı
Kamusul Alamde - ابن جزله İbni Cezle maddesi. Şemseddin Sami, Kamusul Alam Ansiklopedisi