İbni Ceni - ابن جنی

(ابو الفتح عثمان) مشاهیر ادبا و نحاتدن اولوب، ٣٣۰ تاریخندن اولجه موصلده طوغمش، واوراده تعلم و تعلیمله مشغول اوله رق، ٣٩٢ ده وفات ایتمشدر. صرف و نحو وساىٔر علوم ادبیه یه متعلق تصنیفات عدیده سی اولوب، اك معروفلری شونلردر : ((الخصاىٔس))، ((سراالصناعه))، ((المصنف فی شرح تصریف ابی عثمان المازنی))، ((التلقین فی النحو)) ، ((التعاقب))، ((الكافی فی شرح القوافی))، ((التذ كرة الاصبها نیه))، ((مختار تذكرة ابی علی الفارسی))، ((المقتضب))، ((التنبیه))، ((المهذب))، ((التبصرة))، ((شرح دیوان متنبی )) ، ((رسالة فی العروض))، ((رسالة فی القافیه)) طبیعت شعریه سی دخی اولوب، بر كوزندن كور اولدیغنی ایما ایدن شو قطعه جملۀ اشعارندندر : صدودك عنی ولاذنب لی یدل علی نیته فاسده فقد و حیاتك مما بكیت حشیت علی عینی الواحده ولولا مخافة ان لا اراك لما كان فی تركها فاىٔده