Ebgahan ~ ابقا خان
Kamus-ul'Alam - Ebgahan ~ ابقا خان maddesi. Sayfa: 590 - Sira: 17
Ebgahan - ابقا خان
(یاخود ابغاخان) چنكیز خانك تورونی و ایران و عراق و آناطولی
جهتلرنده وارث ملكی اولان هلاكوخانك اوغلی اولوب، ٦٦٣ ربیع الآخرنده، پدرینك وفاتی اوزرینه، مراغه ده تخته جلوس ایتمش؛ و ٦٨١ سنه سی محرمنده، ١٧ سنه ایله بر قاچ آی سلطنتدن صكره، همدانده مسموماً وفات ایدوب، برادری احمد خان جانشینی اولمشدر. ظلم و اعتسافده پدرندن اهون اولوب، اولدقجه صلحپرور ایدی. مع هذا سوریه ملوك اسلامیه سیله بعض محاربه لر ایتمشدر. وزیری بولنان شمس الدین جوین واسطه سیله اعاظم علمای اسلامدن بعض ذواتی جلب و تلطیف، و معارف اسلامیه یی حمایه ایتمشدر. زماننده یتیشن علمای اسلامك اك بیوكلری نجم الدین قزوینی، مؤید الدین عرضی، فخرالدین مراغی، قطب الدین شیرازی، محیی الدین مغربی، طبیب فخرالدین اخلاطی وتریاقك عملیله مشهور اولان تقی الدین حشایشیدر. پدری هلاكونك ایستمش اولدیغی قسطنطینیه روم ایمپراطورینك قیزی یولده ایكن، هلاكو وفات ایتمكله، مرقومه یی ابقا خان تزوج ایتمشدر.
Kamusul Alam, Şemseddin Sami; Kamusul Alamde Ebgahan maddesi. osmanlıcada Ebgahan ne demek, Ebgahan anlamı manası, Ebgahan osmanlıca nasıl yazılır. Osmanlıca sözlükte Ebgahan hakkında bilgi. Arapça Ebgahan ne demek. Arapça osmanlıca sözlük. Farsçada Ebgahan anlamı
Kamusul Alamde - ابقا خان Ebgahan maddesi. Şemseddin Sami, Kamusul Alam Ansiklopedisi