Eberuk ~ ابروق
Kamus-ul'Alam - Eberuk ~ ابروق maddesi. Sayfa: 587 - Sira: 5
Eberuk - ابروق
كتب عربیه ده بو اسمله دیار رومده یعنی آناطولیده بر موضع بولندیغی مذكور اولوب، ابو بكر هروی بو محلی زیارت ایتمش اولدیغنی بیان ایتدكدن صكره، دیوركه : بر طاغك آلتنده واقع اولوب، طاغك اتكنده كی بردلیكدن كیرولیر، و ایچی واسع بر یر اولوب، اوستندن طاغ دلیك اولمغله، كوك كورینور. بو غریب مغاره نك
كویا اورته سی كول كبی صو ایله طولو اولوب، كنارلرنده اولر و مزرعه لر وار ایمش؛ وبر جامع ایله بر كلیسا بولنوب، زوار مسلمین جامعه و خرستیان زاىٔرلری كلیسایه كیدرلرمش؛ وبر طاقم مومیالر و هیكللر بولنوب، خرستیانلر بونلرك ازمنۀ قدیمه دن قالمش اولدقلرینه، و مسلمانلر ایسه حضرت عمر بن خطابك عسكرندن اولوب، اوراده قتل اولنان شهدا اولدقلرینه ذاهب اولورلرمش، بو تفصیلاتك بر مصالدن عبارت اولدیغنده شبهه یوغیسه ده، هر حالده آناطولیده بو اسمله ویا بوكا قریب بر نامله آثر عتیقه سی و مومیالری حاوی مغاره لری چوق بر محل اولسه كركدر. قونیه ولایتنك اسبكشان ناحیه سنده بو نامله بر قریه اولوب، جوارنده بر كول و بعض آثار عتیقه وار ایسه ده، مومیالری معلوم دكلدر.
Kamusul Alam, Şemseddin Sami; Kamusul Alamde Eberuk maddesi. osmanlıcada Eberuk ne demek, Eberuk anlamı manası, Eberuk osmanlıca nasıl yazılır. Osmanlıca sözlükte Eberuk hakkında bilgi. Arapça Eberuk ne demek. Arapça osmanlıca sözlük. Farsçada Eberuk anlamı
Kamusul Alamde - ابروق Eberuk maddesi. Şemseddin Sami, Kamusul Alam Ansiklopedisi