Ebroin ~ ابروآن
Kamus-ul'Alam - Ebroin ~ ابروآن maddesi. Sayfa: 587 - Sira: 3
Ebroin - ابروآن
فراسه نك نوستریا وبورغونیا چكومات قدیمه سنده (مردوپاله) یعنی باش مابینجی صفتیله وزیر ب مدبر
امور دولت بولنمشدر. اوچنجی (قلوتر) ك زماننده ٦٥٩ تاریخ میلادیسنده (لوده) فرقه سی طرفندن بو مسنده انتخاب اولندیغی حالده، حكمدارك منفعتنه اوله رق، فرقۀ مذكوره نك قوت و نفوذینی امحایه چالیشمش؛ و بو مقصدله پك چوق آدملر نفی وقتل ایتمش اولدیغندن، (اوتوم) پسقپوسی (سنت لژر) ك تحت ریاستنده بر بیوك اختلال ظهور ایتمشیدی. ٦٧۰ ده اوچنجی قلوترك وفاتنده، صاحب ترجمه، فرانقلر مجلسنه طانیشمقسزین، ایكنجی قلوویسك بیوك اوغلی ایكنجی (شیلدریق) ی حق وراثتدن محروم براقه رق، اك كوچكی اولان اوچنجی (تیری) یی تخته اجلاس ایتدیكندن، بر ایكنجی اختلال ظهور ایله، اوچنجی (تیری) اسقاط، و ابروآن (لوكسوی) مناسترینه حبس اولنمشدر. بر مدت صكره بونك خصمی اولان پسقپوس (سنت لژر) دخی یكی قرالك توجهنی غاىٔب ایده رك، محبسده ابروآنله برلشمش، و ایكیسی بیننده وفاق حاصل اولمش ایسه ده، ایكنجی شیلدریق صاغ اولدقجه، خلاص بوله میوب، ٦٨٣ ده بونك مقتولاً وفاتی اوزرینه، ایكیسی قورتلوب، ابروآن ینه اسكی مسندینی ضبطله، ابتدا اوچنجی قلوترك اوغلی اولمق ادعاسنده بولنان اوچنجی (قلوویس) ی و بعده ینه آنف الذكر اوچنجی (تیری) یی تخته اجلاس ایتمش؛ و خصملری علیهنده پك شدتلی حركات انتقامیه اجراسیله انواع مظالم ارتكابنه باشلامشیدی. (سنت لژر) بوكا ینه بر اختلال چیقارتمش ایسه ده، اوتومده مغلوب اولوب، كوزلرینه میل چكلمشدر. صاحب ترجمه بو دفعه آوستراسیالیلری مغلوب ایدوب، اولجه كسب استقلال ایتمش اولان آوستراسیایی دخی ضبط ایتمك اوزره ایكن، ٦٨۰ تاریخنده قتل اولنمشدر.
Kamusul Alam, Şemseddin Sami; Kamusul Alamde Ebroin maddesi. osmanlıcada Ebroin ne demek, Ebroin anlamı manası, Ebroin osmanlıca nasıl yazılır. Osmanlıca sözlükte Ebroin hakkında bilgi. Arapça Ebroin ne demek. Arapça osmanlıca sözlük. Farsçada Ebroin anlamı
Kamusul Alamde - ابروآن Ebroin maddesi. Şemseddin Sami, Kamusul Alam Ansiklopedisi