Ebrekuh ~ ابرقوه
Kamus-ul'Alam - Ebrekuh ~ ابرقوه maddesi. Sayfa: 587 - Sira: 2
Ebrekuh - ابرقوه
(یاخود ابرقویه) فارسیده (طاغ اوستی)) دیمك اولان (بركوه) دن معربدر. ایرانك فارس مملكتنده، اصطخر نواحیسنده و فارس ایله (یزد) خطه لری حدودی قربنده بر قصبه در، كه او جهتلر مدنیت اسلامیه ایله منور بولندیغی زمانلرده مشهور اولوب، فقها ب محدیثندن ٥١٨ تاریخنده وفات ایدن (ابوالحسن هبة الله ابرقوهی) و بهاء الدوله بن عضد الدوله نك وزیری اولان (ابو القاسم علی بن احمد ابرقوهی) بو قصبه دن نشأت ایتمشلردر. اصطخرینك روایتنه كوره، بو قصبه یزددن اوچ فرسح بعدنده واقع اولوب، مستحكم و معمور ایسه ده، جوارنده باغ و بستان اولمیوب، اطرافی چبلاقدر : و جوارنده قومدن بر تپه واردر، كه اهالیسی طرفندن حضرت ابراهیمك آتلدیغی آتشك كولی اولدیغی زعم اولنه رق، (تل ابراهیم) تسمیه اولنور. مجوسیلر ایسه بو تپه یه سیاوش بن كیكاوسك اوچندن چكدیكی آتشك كولی نطریله باقرلر. _ بری عراق عجمده اصهفانك ٢۰ فرسخ بعدنده، و دیكری دخی یزد ایله خراسان آره سنده كی طریقك اوزرنده اولمق اوزره، بو اسمله قریه دخی وارایدی.
Kamusul Alam, Şemseddin Sami; Kamusul Alamde Ebrekuh maddesi. osmanlıcada Ebrekuh ne demek, Ebrekuh anlamı manası, Ebrekuh osmanlıca nasıl yazılır. Osmanlıca sözlükte Ebrekuh hakkında bilgi. Arapça Ebrekuh ne demek. Arapça osmanlıca sözlük. Farsçada Ebrekuh anlamı
Kamusul Alamde - ابرقوه Ebrekuh maddesi. Şemseddin Sami, Kamusul Alam Ansiklopedisi