İbrahim Harbi - ابراهیم حربی

كنیه سی ابو اسحاقدر. اسحاق بن ابراهیمك اوغلی ایدی. اىٔمۀ اعلان و فقهای عظامك بری اولوب،

١٩٨ تاریخ هجریسنده طوغمشدر. امام احمد بن حنبلدن فقه شریفی او قویوب، امام مشارالیهك اصحابی زمره سنه داخل اولمشدی. كرك علم فقه وحدیثده و مساىٔل متنوعۀ شرعیه نك حل و فصلنده و كرك لغت حفظنده و نحو وادبیانده ید طولی صاحبی اولدیغی كبی، ورع و تقوی وادبده دخی نوادر عصردن معدود ایدی. روایته كوره، عن اصل مرودن اولوب، بغداده هجرتله، علوم ادبیه یی ابو العباس ثعلبدن اخذ و قراىٔت ایتمشدر. فقه و حدیث و علوم ساىٔره یه داىٔر بر قاچ مؤلفاتی اولوب، اك مشهورلری : ((غریب الحدیث))، ((سجود القرآن))، ((مناسك الحج))، (الهدایا و السنه))، ((الحمام و آدابه))، ((مسند ابی بكر))، ((مسند عمر))،‌ ((مسند عثمان))، ((مسند علی))، ((مسند الزبیر))، ((مسند طلحه))، ((مسند سعد بن ابی وقاص)) و ساىٔره در. (عالم بغداد) و ( محدث بغداد) عنوانلریله شهرت بولمشیدی. ٢٨٥ سنه سی ذی الحجه سنك یدیسنده ارتحال ایتمشدر. طبیعت شعریه سی دخی اولوب، شو قطعه جملۀ اشعارندندر : دب فیّ السقام سفلاً و علوا وارانی‌ اذوب عضوا فعضوا بلیت حدتی بطاعة الله نضوا