İbrahim Mülisseydi - ابراهیم مولی السيد

(مولی السید _ ) پدری ایران ساداتندن واولیاء اللهدن بر ذات اولوب، آماسیه جوارنده بر قریه یه انتقال ایتمش. و حتی سلطان بایزید ثانی حضرتلری شهزاده الكنده كندیسنك

صحبت و كرامتندن مستفید اولمشلردی. صاحب ترجمه ابتدا پدرینك زاویه سنده تربیه اولنوب، بعده تحصیل علم ایچون بروسه یه كله رك، شیخ سنان الدین و حسن سامیسونی و خواجه زاده كبی زماننك مشاهیر علماسندن تحصیل علوم ایتمش؛ بعده بر مدت قرمانی وزیر محمد پاشا طرفندن جلب اولنه رق، اوغلنك تعلیم وتربیه سنه تعیین اولنمش؛ و مؤخراً سلطان محمد خان حضر تلرینك حیاتنده سلطان بایزیدك اوغلی شهزاده قورقودك تعلیمنه مأمور اولمش؛ صكره مرزیفون، قره حصار وساىٔر بعض بلاد مدرسلكنه و آماسیه ده كی سلطان بایزید مدرسه سنه و آماسیه قاضیلغنه تعیین اولنمش؛ و نهایت تدریس و قضادن دخی ال چكوب، سلطان بایزید حضرتلرینك اواخر سلطنتلرنده تعیین ایتمش اولدقلری تقاعدیه ایله قناعت ایتمش؛ ویاوز سلطان سلیم حضرتلری ابا ایوب انصاری جوارنده كندیسنه بر خانه اشترا و احسان ایتمشیدی. بقیۀ عمرینی بو خانه ده كچیروب، وفاتنده ابا ایوب مدرسه سی مدرسلكنه مخصوص اولمق اوزره، وقف ایتمشدر. طقسان یاشنی متجاوز اولدیغی حالده، ٩٣٥ تاریخنده رحمت حقه ناىٔل اولمشدر. عالم وزاهد و حلم و حسن اخلاقه منصف بر ذات حمید الصفات ایمش؛ حتی ابدی كیمسه كندیسنی یاتمش كورمیوب، داىٔما دیز اوستنه اوتوردیغی، و چوق دفعه بو وضعیتده او یودیغی، و هیج بر وقت كیمسه یه خدمت بیورمیوب، ذاتنه مخصوص هر بر خدمتی كندیسی كوردیكی مشهوردر. نأهل دخی ایتمیوب، عمرینی علم و عبادته حصر ایتمشیدی.