İbrahim ~ ابراهیم
Kamus-ul'Alam - İbrahim ~ ابراهیم maddesi. Sayfa: 530 - Sira: 5
İbrahim - ابراهیم
(سلطان _) سلاطین عظام عثمانیه نك اون سكزنجیسی و اون دردنجی پادشاه اولان سلطان احمد اولك اوغلی اولوب، ١۰٤٩ سنۀ هجریه سی شوالنك ٩ نده برادری سلطان مراد رابع حضرتلرینك وفاتی اوزرینه، جلوس ایتمشدر. هجرت نبویه نك ١۰٢٤ تاریخنده تولد ایتمش اولمغله، جلوسلرنده ٢٥ یاشنده اولوب، سكز سنه طقوز آی سلطنت سورمشلردر. زمان سلطنتلرنده مكمل دوننمای همایون ایله كریده هجوم اولنه رق، بر قاچ سنه سورن محاربات بحریه وبریه ایله جزیرۀ ابتدا یوسف پاشا وبعده دلی حسین پاشایدیله كاملاً وندیكلیلرك الندن ضبط، و ممالك عثمانیه یه الحاق اولنمشدر. ایالكز قندیه قلعه سی قالوب، سلطان محمد خان رابع زماننده فتح اولنمشدر. او وقت بو دین ومجارستانك اكثر طرفلری دولتك النده بولندیغی كبی، اردل یعنی ترانسلوانیا قرالی دخی جزیه كذار ایدی. آزاق محاصاره سی دخی دور سلطنتلرینك جملۀ وقوعات مهمه سندندر. ابتدای جلوسلرنده ادرنه یی تشریفله، بر قاچ كون اقامت ایتمشلردی. قد وقامتی موزون و سیماسی كوزل اولوب، سماحت و علوجنان صاحبی بر پادشاه ایدی. آنجق زیاده سیله تیز مشرب و صبرسز اولدیغی كبی، برادری سلطان مراد رابع حضرتلرینك زماننده دخی طول مدت حس و تضییق آلتنده یاشامش؛ و جلوسدن صكره، اكا بر دولت هر طرفدن جاریه لر تقدیمیله سفاهته سوق وترغیب ایتدكلرندن و مقربلری ایچنده عقللی وراستكو بر ناصح بولنمدیغندن، اواخر سلطنتلرنده طاىٔفۀ نسوان زیاده سیله نفوذ واقتداره مالك اولوب، رتق و فتق امورچیغرندن چیقمش ایدی. بو سنه حدود دینه دخی تجاوز اعدا وقوع بولدیغندن، و اك صكره كی صدر اعظمی احمد پاشانك بعض اطوار غیر لایقه سندن طولایی، یكیچری آعالریله طاىٔفۀ علما جمع اولنه رق، صدر اعطمك عزل وقتلنی طلب ایتمشلر؛ و احمد پاشا صدارتدن عزل اولنوب، یرینه صوفی محمد پاشا نصب اولنمش، و آنجق داماد بولنمق حسبیله قتلنه طرف پادشاهیدن رضا ویرلمه مش ایسه ده، احمد پاشا اله كچیریلوب، پاره لندقدن بشقه، طاىٔفۀ باغیه بونكله ده
قناعت ایتمیه رك، سلطان ابراهیمك یرینه یدی یاشنده بولنان اوغلی سلطان محمد رابعك اجلاسنه جزأت ایتمشلردر. ١۰٥٨ سنۀ هجریه سی رجبنك ١٦ سنده فراغی وقوع بولوب، اوچ كون صكره شهیداً ارتحال ایتمشدر. جلوسلرنده آرناؤد قره مصطفی پاشایی صدارتده ابقا ایده رك، بعده زمان سلطنتلرنده سلطان زاده محمد پاشا، بو سنه لی صالح پاشا و هزار پاره احمد پاشا صدر اعظم اولمش، وسقوطندن بر كون اول، ارباب طغیانك اصراری اوزرینه، مهر وزراتی صوفی محمد پاشایه تسلیم ایتمشلردی. حلوسلرنده شیخ الاسلامبولنمش اولان معید احمد افندی دخی القا اولنمش، و بعده عبدالرحیم افندی تعیین اولنه رق، آخر سلطنتنه قدر مقام فتواده قالمشدر. زمانلرنده دلی حسین پاشا، سیاوش پاشا، اوزون پیاله پاشا، ابو بكر پاشا، یوسف پاشا، موسی پاشا فضلی پاشا و عمازراده محمد پاشا قپودان دریا مسندنده بولنمشلردر.
Kamusul Alam, Şemseddin Sami; Kamusul Alamde İbrahim maddesi. osmanlıcada İbrahim ne demek, İbrahim anlamı manası, İbrahim osmanlıca nasıl yazılır. Osmanlıca sözlükte İbrahim hakkında bilgi. Arapça İbrahim ne demek. Arapça osmanlıca sözlük. Farsçada İbrahim anlamı
Kamusul Alamde - ابراهیم İbrahim maddesi. Şemseddin Sami, Kamusul Alam Ansiklopedisi
İbrahim ~ ابراهیم güncel sözlüklerde anlamı:
iBRAHiM ::: İbrahim kelimesi, İbranicede baba anlamına gelen "eb"; ve cumhur demek olan "reham" kelimelerinden meydana gelmiştir. "Ebu-l cumhur" ise; cumhurun babası demektir. Bu ismi meydana getiren kelimelerin ikisinin de hareke veya telaffuzlarını az bir değişiklik yapmakla yine bu mânalar Arapçada vardır. Bu da İbranilerle Arapların yakınlıklarına delildir.
ibrahim ::: ibrahim kelimesi , ibranicede baba anlamına gelen "eb"; ve cumhur demek olan "reham" kelimelerinden meydana gelmiştir , "ebu-l cumhur" ise; cumhurun babası demektir , bu ismi meydana getiren kelimelerin ikisinin de hareke veya telaffuzlarını az bir değişiklik yapmakla yine bu manalar arapçada vardır , bu da ibranilerle arapların yakınlıklarına delildir , halilullah ve halil-ür rahman da denir , peygamberlerden ishak ve ismail'in babasıdır , yirmi sahifelik kitap kendisine nazil olmuştur , süryanice konuşurdu , peygamberimizin de (a , s , v , ) ceddi idi , urfa'da doğduğu da rivayet edilir , zamanın kralı nemrud tarafından ateşe atılmak istendi , mu'cize olarak ateş onu yakmadı , en şiddetli zamanda dahi Allah'tan başka kimsenin dostluğunu kabul etmediğinden , sadece ondan meded beklediğinden kendisine halilullah denilmiştir , sonra mısır'a ve kenan iline gitti , oğlu ismail ile birlikte kabe-i muazzama'yı yeniden inşa' ettiler , kudüs'te medfun'dur
İBRAHİM :::
\n