Avila ~ آويلا
Kamus-ul'Alam - Avila ~ آويلا maddesi. Sayfa: 500 - Sira: 2
Avila - آويلا
ایالتی اسپانیانك وسطلرنده و اسكی قشتاله خطه سنده بولنان ایالاتندن اولوب، مركزی اولان آویلا شهرینك اسمیله تسمیه اولنمشدر. شمالاً (والادولیده)، شرقاً (سغوویا) (یعنی شقوبیه) ، ومادرید، جنوباً تولده (یعنی طلیطله) و (قاسرس)،غرباً دخی سالامانقه (یعنی شلمنكه) ایالتلریله محدود ومحاطدر. مساحۀ سطحیه سی ٧٨٨٢ مربع كیلومتره و اهالیسی ٨٣٤ ١٩۰ كشی اولوب، ٦ قضا و ٢٧۰ داىٔرۀ بلدیه یه منقسمدر. قضالری : آویلا، آرناس ده سان پدرو، آروالو، بارقو ده آویلا، سبرروس، پیدراهیتادر. بو ایالتك جنوب جهتی طاغلق اولوب، (سیرا ده غردوس) و (بارامرا ده آویلا) طاغلری شرقدن غربه طوغری ممتد اوله رق، بر تاقم كوزل وادیلر تشكیل ایدیورلر، وصولری بر طرفدن (البركه) و (تیتار) نهرلری واسطه سیله (تاج) ایرماغنه، وبر طرفدن ده (آدایا) و (تورمس) واسطه سیله (دویرو) ایرماغنه دوكیلور. شمال جهتی ایسه دوز قورو وطاشلق اولوب، مع هذ بعض طرفلرنده پك ایی بر نوع بغدایله پك مقبول بر نوع كنویر یتیشیور. شمال جهتنك ارتفاع وسطیسی ٨۰۰ ، و جنوب جهتنك ارتفاع وسطیسی ١٢۰۰ متره اولمغله، هواسی پك صوىٔوق اولوب، قیشی پك اوزون و ایلك بهاری یوق حكمنده ایسه ده، یاز وكوز موسملری پك كوزلدر. باشلیجه ثروت طبیعیه سی صیغبر، قویون وطوموز سوریلرندن عبارتدر. طاغلرنده متعدد كومش، قورشون وباقیر معدنلریله مرمر اوجاقلری بولنیورسه ده، پك آزلری اخراج اولنمقده در. اسپانیانك شماله طوغری كیدن آنا دمیر یول خطی بو ایالتك شرق قسمنی شق ایده رك، آویلا ایله آروالو قصبه لرینك ایچنده كچر. بشقه طرق و معابری یوق كبیدر.
Kamusul Alam, Şemseddin Sami; Kamusul Alamde Avila maddesi. osmanlıcada Avila ne demek, Avila anlamı manası, Avila osmanlıca nasıl yazılır. Osmanlıca sözlükte Avila hakkında bilgi. Arapça Avila ne demek. Arapça osmanlıca sözlük. Farsçada Avila anlamı
Kamusul Alamde - آويلا Avila maddesi. Şemseddin Sami, Kamusul Alam Ansiklopedisi