Aurelien ~ آورليانوس
Kamus-ul'Alam - Aurelien ~ آورليانوس maddesi. Sayfa: 453 - Sira: 1
Aurelien - آورليانوس
روما ایمپراطورلرندن اولوب، میلادك ٢١٢ تاریخنده (پانونیا) نك (سیرمیوم) ایالتنده كویلی ابویندن طوغمش؛ و عسكره كیروب، مراتب عسكریه ده قطع مراحل ایتدكدن صكره، ٢٥٨ ده (والریان) طرفندن قونسلوسلغه ترفیع اولنمش؛ و ٢٧۰ ده ایكنجی (قلاودیوس) ك وفاتنده، وصیتی‌اوزرینه، ایمپراطور اولمشدر. غوتلری، سارماتلری، مارقومانلری و وانداللری دفع ایتدیكی كبی، ٢٧٣ ده تدمور ملكه سی (زنوبیا) یی، و ٢٧٤ ده (غالیا) یی یعنی فرانسه طرفلرینی ضبط ایتمش اولان (تتریقوس) ی مغلوب و منهزم ایده رك، رومایه عودتنده بیوك فاتحلره مخصوص شانلی بر استقباله ناىٔل اولمشدر. غواىٔل حربیه دن آزاده قالنجه، رومانك تزیینیله اوغراشمش، و ویركیلری ایندیروب، بر طاقم نظامات وضع ایتمشدر. مجازاتده شدتی غالب اولوب، اواخر سلطنتنده خرستیانلر حقنده غیر مساعد حركتده بولنمشدر. ٢٧٥ ده آزاد كوله لرندن (منستیوس) طرفندن قتل ایتدیرلمشدر.
Kamusul Alam, Şemseddin Sami; Kamusul Alamde Aurelien maddesi. osmanlıcada Aurelien ne demek, Aurelien anlamı manası, Aurelien osmanlıca nasıl yazılır. Osmanlıca sözlükte Aurelien hakkında bilgi. Arapça Aurelien ne demek. Arapça osmanlıca sözlük. Farsçada Aurelien anlamı
Kamusul Alamde - آورليانوس Aurelien maddesi. Şemseddin Sami, Kamusul Alam Ansiklopedisi