avalos ~ آوالوس
Kamus-ul'Alam - avalos ~ آوالوس maddesi. Sayfa: 451 - Sira: 4
avalos - آوالوس
مشهور شارل كینتك اك بیوك دردارلرندن اولوب، فرانسه یه قارشی اولان محاربه لرده ابراز شجاعت ایتمش؛ و ١٥١٢ تاریخ میلادیسنده واقع (راونه) محاربه سنده اسیر دوشوب، زندانده ایكن، حسن و جمال و عقل و فراستیله مشهوره اولان زوجه سی (ویتوریا قولونه) نك نامنه (عشق مكالمه سی )) نامیله بر كتاب یازمشدر. زنداندن چیقدقدن صكره، ینه فرانسه یه قارشی محاربه ایدوب، (میلان) جهتنك اسپانیانك الینه كچمسنه سبب اولمشدر. ١٥٢٥ تاریخ میلادیسنده (پاویه) مظفریتی اوزرینه سردار اكرم اولوب، او سنه میلانده وفات ایتمشدر. _ بونك یكنی (آلفونس آوالوس) دخی شارل كینت عسكرینك سرداری بولنمش؛ و ١٥٤٢ تاریخ میلادیسنده قانونی سلطان سلیمان حضرتلرینه قارشی آوستریایه یاردیم ایتمش؛ و ایمپراطورله برابر تونسه دخی كیتمشیدی. ١٥٤٣ ده میلان و الیلكنه تعیین اولنه رق، (لیسه) شهرینی (انكیان) قونتیله خیرالدین بارباروسك محاصره سندن قورتارمش ایسه ده، برسنه صكره مومی البه انكیان قونتی طرفندن (چریزوله) ده مغلوب اولمش، و ایكی سنه صكره وفات ایتمشدر.
Kamusul Alam, Şemseddin Sami; Kamusul Alamde avalos maddesi. osmanlıcada avalos ne demek, avalos anlamı manası, avalos osmanlıca nasıl yazılır. Osmanlıca sözlükte avalos hakkında bilgi. Arapça avalos ne demek. Arapça osmanlıca sözlük. Farsçada avalos anlamı
Kamusul Alamde - آوالوس avalos maddesi. Şemseddin Sami, Kamusul Alam Ansiklopedisi