avares ~ آوار
Kamus-ul'Alam - avares ~ آوار maddesi. Sayfa: 450 - Sira: 7
avares - آوار
یاخود آبار تاتارستان اقوامندن اولوب، (آلتون طاغ) جوارلرنده متوطن ایكن، آلتنجی عصر میلادیده چینلیلر هجومله، مملكتلرینی ضبط ایتدكلرندن، قلیجدن قورتلانلری میلادك ٥٥٧ تاریخنده و ولغه و (دون) نهرلرینی تجاوزله، طونه سواحلنه كلوب، یرلشدیلر. ٥٨٢ ده قسطنطینیه روم ایمپراطورلریله محاربه ایده رك، (داكیا) و (پانونیا) یی یعنی رومانیا و مجارستانی ضبط ایله، اورادن جرمانیانك ایج طرفلرینه و ایتالیایه قدر یایلدیلر. میلادك ٦٢٦ تاریخنده كسری ایله بالاتفاق قسطنطینیه اوزرینه هجوم ایندیلرسه ده، رىٔیسلری اولان (بایان) شهر مذكورك سوری خارجنده ایمپراطور (هراقلیوس) طرفندن مغلوب و منهزم اولدی. ٧٩١ دن ٧٩٩ تاریخنه دك شارالمانله محاربه ایده رك، بو حكمدار طرفندن تمامیله رام ایدلمكله، خرستیانلق دیننی دخی قبوله مجبور اولدیلر. آوارلر اوزون بویلی جسور و جنكاور آدملر اولوب، حیله و خدعه ده دخی ماهر ایدیلر. خیمه نشین اولوب، اردو ایله كزدكلری یرلرده چركه لرینی بر بیوك داىٔره هیىٔتنده قورارلردی. رىٔیسلری ((خان )) و ((خاقان )) عنوانیله یاد اولنوردی. آوارلرك تشكیل ایتمش اولدقلری دولت میلادك ٥٩۰ تاریخندن ٦٣۰ تاریخنه دك خیلی بیوك اولوب، طونه نك شمالنده آلمانیانك اورته لرنده بولنان (لوساچه)
Kamusul Alam, Şemseddin Sami; Kamusul Alamde avares maddesi. osmanlıcada avares ne demek, avares anlamı manası, avares osmanlıca nasıl yazılır. Osmanlıca sözlükte avares hakkında bilgi. Arapça avares ne demek. Arapça osmanlıca sözlük. Farsçada avares anlamı
Kamusul Alamde - آوار avares maddesi. Şemseddin Sami, Kamusul Alam Ansiklopedisi