marc Antoine - آنطوآن مارق

مارق _ آنف الترجمه خطیبكچ تورونی اولوب، قبل المیلاد ٧٦ تاریخنده طوغمش؛ و كنجلكنده فلسطین محاربه لرنده ابراز ایتدیكی شجاعتیله كسب شهرت ایده رك، ٥۰ تاریخنده اهالینك حقوقنی مدافعه ایتمك و ظیفه سندن عبارت اولان (تریبون) مأموریتنه نصب اولنمشیدی. بعده یولیوس قیصره انتساب ایده رك، بو ذاتی ایمپراطورلغنی اعلانه تشویق، و حتی بر یوم رسمیده علی ملأ الناس كندیسنه بر

تاج تقدیم ایتمشیدی. بو حركتی قیصرك (٤٤ تاریخنده ) قتلنی تسریعه سبب اولوب، آنطوآن قیصرك جنازه سی اوزرینه بر نطق بلیغ ایراد ایله، قاتللرینه اعلان خصومت ایده رك، بونلردن (دچیموس بروتوس) ی (مودنه) شهرنده محاصره ایتمش ایسه ده، سناتو طرفندن عصیاننه حكم اولنه رق، علینه عسكر سوق اولنمغله، آنطوآن یالكز مقاومت ایده میه جكنی آكلایه رق، (لپید) و (اوقتاو) ایله برلشمش ایدی. ((ایكنجی هیىٔت مثلثه )) اسمیله مشهور اولان بو هیىٔت متفقه بر طاقم اجرا آت خونریزانه یه كیریشه رك، انواع مظالم اجرا ایتمشدر. حتی خطیب مشهور چیچرونی دخی، كندیسی علیهنده ادارۀ لسان ایتمش اولدیغیچون، اعدام ایتدیرمشدر. آنطوآن او قتاوله برابر قبل المیلاد ٤٢ تاریخنده بروتوس وقاسیوسی كلیاً مغلوب ایده رك، رومانك جمهوریت طرفنی بسبتون امحا ایتدكدن صكره، روما دولتنی اوقتاوله مقاسمه ایده رك، كندیسنه یونان و آسیا ممالكی دوشمش، اوقتاوله اولان مناسباتنی تزیید ایچون، قاریسی مشهوره (فولویا) نك و فاتنده، اوقتاوك همشیره سی (اوقتاویا) یی تزوج ایتمش ایسه ده، متعاقباً بطاقباً بطالسۀ مصردن (قلىٔوپاتره) یه تعشق ایتمكله، اوقتاویایی بوشامش؛ و عشق و علاقه سنه تابع اوله رق، روما ممالكندن قبریس و سوریه طرفلرینی بو ملكه یه ترك ایتمشدر. اوقتاو بونی فرصت اتخاذ ایده رك، اوزرینه سوق عسكرله، قبل المیلاد ٣١ تاریخنده پروزه بوغازی خارجنده واقع محاربۀ بحریه ده آنطو آن مغلوب اولوب، قلىٔو پاتره ایله برابر اسكندریه یه قاچمش؛ و اوراده دخی خصمنك الینه دوشه جكنی آكلاینجه، ٣۰ تاریخنده اتلاف نفس ایتمشدر. آنطوآن پك ماهر برقوماندان ایدیسه ده، كرك اجرای ظلم و اعتساقه و كرك سفاهته پك منهمك ایدی.