Annecy ~ آنسی
Kamus-ul'Alam - Annecy ~ آنسی maddesi. Sayfa: 428 - Sira: 8
Annecy - آنسی
فرانسه نك جنوب شرقیسنده واقع (یوقاری ساووآ) ایالتنك مركزی اولان بر شهر اولوب، همنامی اولان كولك منتهای شمالنده، ً٥٩ َ٥٣ ْ٤٥ عرض شمالی ایله ً٣٣ َ٤٧ ْ٣ طول شرقیده واقع و ٦۰۰ ١١ اهالی یی جامعدر. مكتب اعدادیسیله ۰۰۰ ١٢ جلدی حاوی اسكی بر كتبخانه سی، بر موزه خانه سی وبر زراعت اوطه سی واردر. صنایعی خیلی ایلریلمش اولوب، ایپك و پاموقدن انواع منسوجات و كاغد فابریقه لریله، دمیر خانه ودباغخانه لری واردر. شهرك بر قسمی كولك آیاغی حكمنده اولوب، اوچ قول اوزره منقسم بولنان (تیو) نهرینك تشكیل ایتدیكی بر قاچ آطه اوزرنده، و بر اسكی قلعه نك خرابه لری آلتنده مؤسس اولوب، بر اسكی كلیسا ومناستری دخی واردر، كه بر طریق روحانینك مؤسسی اولان سنت (فرانسوآ) اوراده یاشامشدر، و جوارنده مدفوندر. _ قضاسی ٨ ناحیه و ٩٨ داىْرۀ بلدیه یی جامع اولوب، مساحۀ سطحیه سی ١٢١٩ مربع كیلومتره و اهالیسی. ٨٦٨٨۰ كشیدر.
Kamusul Alam, Şemseddin Sami; Kamusul Alamde Annecy maddesi. osmanlıcada Annecy ne demek, Annecy anlamı manası, Annecy osmanlıca nasıl yazılır. Osmanlıca sözlükte Annecy hakkında bilgi. Arapça Annecy ne demek. Arapça osmanlıca sözlük. Farsçada Annecy anlamı
Kamusul Alamde - آنسی Annecy maddesi. Şemseddin Sami, Kamusul Alam Ansiklopedisi