andalousie - آندالوسيا

و اسپانیولجه اسپانیانك جهت جنوبیه سنده بر بیوك خطه در، كه وقتیله اسپانیایی فتح ایله بر آز زمان تحت اداره لرنده طوتمش اولان (واندال) قومنك اسمندن مشتق اولوب، عربلر بو اسمی (اندلس) صورتنه تخویل ایله بتون سپانیایه تعمیم ایتمشلردر. [((اندلس)) ماده سنه مراجعت.] موقع و حدودومساحه سی. _ آندالوسیا خطه سی اسپانیانك قسم جنوبیسندن عبارت اولوب، (سیرا مورنا) سلسلۀ جبالیله آق دكیز و بحر محیط كبیر آره سنده واقع، و قرطبه، اشبیلیه، غرناطه و جیان مملكتلرینی جامعدر. شمالاً (استرمادور) و (مانشه) خطه لریله محدود اولوب، اكثر محللرده (سیرامورنا) صرتیله بو ایكی خطه دن آیرلمشدر؛ شرقاً (مرسیه) خطه سیله ؛ جنوباً آق دكیز، سبته بوغازی و بحر محیط آطلاسی ایله ؛ غرباً دخی پورتكیزك (آلغارو) ویاخود (الغرب) و (آلمتیو) ایالتلریله محدود اولوب، اكثر محللرنده (وادیٔ یانه) ایله پورتكیز طوپراغندن آیرلمشدر. عرض شمالینك ْ٣٦ درجه سندن ْ٣٨ َ٤٢ درجه سنه، و طول غربینك ً١٥ َ٢ ْ٤ در. جه سندن َ٣٧ ْ٩ درجه سنه قدر ممتد اولوب، شرق شمالیدن غرب جنوبی یه طوغری اولان طول اعظمی قوش اوچشی حسابیله ٣٦۰ و عرض اعظمی ١٨۰ كیلومتره در. هیىٔت عمومیه سی، جبال و انهاری. _ آندالوسیا خطه سی باشلیجه (وادىٔ كبیر) ك حوضه سندن عبارت اولوب، بو حوضه شمالاً (سیرا مورنا) یعنی ((قره طاغ)) و جنوباً دخی (سیرا نواده) یعنی ((قارلی طاغ)) سلسله لریله محاطدر؛ شرق طرفندن بو ایكی سلسله (ساغره) اسمنده بر طاغله مربوطدر، كه بو طاغك غربی اتكلرندن وادىٔ كبیر و شرقی اتكلرندن دخی (شقوره) نهری نبعان ایدیور. غرب جنوبی جهتی ایسه آچیق اولوب، حوضه نك صولری اورادن بحر محیط آطلاسی یه دوكیلور. (سیرا نواده) سلسله سنك جنوبی اتكلری آق دكیز سواحلنه ممتد اولوب، ساحل بوینجه طار بر ماىٔله تشكیل ایدرلر. مورنا سلسله سنك اك مرتفع محلی ١٦٧٦ متره دن زیاده دكل ایسه ده، سیرا نواده بوندن چوق دها یوكسك اولوب، اك مرتفع ذروه سی اولان (مولحسن)

شمالدن هجوم ایدن اقوام و حشیه نك الینه چكوب، او صره ده سكز اون سنه دخی (واندال) دنیلن قومك الینه چكمش؛ و بعده (غوت) لر طرفندن ضبط اولنه رق، فتوحات اسلامیه دورینه دكین اوچ عصر اونلرك النده قالمشیدی. هر نه قدر آندالوسیا ویا اندلس اسمنك بوقومك اسمنه نسبتله (واندالوسیا) دن غلط اولدیغی مظنون ایسه ده، و انداللرك اوراده پك آز وقت طوردقلرینه، و اونلرك فتحندن فتوحات اسلامیه دورینه دكیز مرور ایدن اوچ عصرده یازلمش اولان تواریخ وساىٔر آثارك هیچ برنده بو اسمه تصادف اولنمدیغنه باقیلیرسه، بو اسمك اك اول عربلر طرفندن استعمال اولندیغی آكلاشیلیر ؛ آنجق عربی بر اسم اولمدیغی دخی ظاهر اولدیغندن، و وانداللر اسپانیادن مغرب وساىٔر بربر ممالكنه تجاوز ایتدكلرندن، بربرلرك ((وانداللر مملكتی )) معناسیله اسپانیایه واندالوسیا ویا آنداللر مملكتی)) معناسیله اسپانیایه واندالوسیا ویا آندالوسیا اسمنی ویرمش، و عربلرك بو اسمی بربرلردن آلمش اولملری ملحوظدر. اوحالده الیوم اسپانیوللر عندنده مستعمل اولان آندالوسیا اسمنك (اندلس) اسم عربیسندن مأخوذ اولمسی اقتضا ایدر. عربلر بو اسمی بتون اسپانیایه ویردكلری حالده، اسپانیوللرك بونی شبه جزیره نك یالكز قسم جنوبیسنه حصر و تحصیص ایتملرینه كلنجه، بونك سببی شودر كه : عربلر اسپانیانك شمال طرفلرینی فوت ایتدكدن صكره، قرطبه واشبیلیه ده و علی الخصوص غرناطه ده دها خیلی وقت حكومت سوردكلرندن، اسپانیایه ویردكلری اندلس اسمی دخی قلمرولرینك حدودیله برابر كری یه كچیله كچیله یالكز بو خطه یه منحصر قالمشدر. بو ملاحظه یه مبنی بو كتابك متننده (آندالوسیا) اسمنك ((نفس اندلس)) تعبیریله ترجمه سی مناسب كورلمشدر. هر حالده، بو قطعه حكومت اسلامیه زماننده دارلملك اتخاز اولنان قرطبه و غرناطه شهرلرینی حاوی اولوب، هواسی و قوۀ انباتیه سی دخی صورت مطلوبه ده بولندیغندن، و اك اول ضبط اولنوب اك صكره الدن چیقان بر خطه اولدیغندن، عربلر اك زیاده بو خطه یه اهمیت ویرمش، و بونك عمران‌ و تزاییننه محیر عقول اوله جق بر همت صرف ایتمشلردی. بو خطه ده رومالیلرك آثاری حكمسز بر حالده قالوب، آثار اسلامیه هربر قاریش طوپراقده رونما اولمقده در.

اسملری باقی قالوب، آندالوسیا قرطبه، جیان، غرناطه و اشبیلیه حكومتلری نامیله درده تقسیم اولنمشیدی. مؤخراً اسپانیانك تقسیمات جدیده سی صره سنده قرطبه و جیان حكومتلری ینه حدود قدیمه لریله برر ایالت اتخاذ اولنمشلرسه ده، غرناطه و اشبیلیه حكومتلری پك بیوك اولدقلرندن، اوچر ایالته تقسیم اولنمغله، الیوم جمعاً بروجه زیر سكز ایالته منقسمدر : تقسیمات قدیمه تقسیمات جدیده مربع كیلومتره اهالی اشبیلیه { اشبیلیه ١٤۰٢٦ ٢٢٧ ٥٢٣ هوىٔوله ١۰١٣٧ ٩٨٩ ٢٢٣ قادیس ٧٣٤٢ ٧٦٣ ٤٣١ } قرطبه قرطبه ٧٢٦ ١٣ ٦٦۰ ٤۰١ جیان جیان ٤٨۰ ١٣ ٦٣٤ ٤٣٢ غرناطه { غرناطه ٧٦٨ ١٢ ٨٤٦ ٤٧٨ المریه ٧۰٣ ٨ ٤٣۰ ٣٥٧ ملاقه ٣٤٨ ٧ ١١٤ ٥١٨ جمعاً آندالوسیا خطه سی ٥٦٦ ٧٨ ٦٦٣ ٣٦٧ ٣ بو خطه نك شمدیكی حالده اك بیوك شهری ملاقه و اك معمور و تجارتكاه شهری دخی (قادیس) ایسه ده، قرطبه، غرناطه و اشبیلیه شهرلری حكومت اسلامیه زماننده كی بیوكلكلری و حاوی اولدقلری ابنیه وساىٔر آثار عتیقه حسبیله اسپاناینك برنجی شهرلرندن عد اولنمقده درلر. المریه اسكله سنك حكومت اسلامیه زماننده حاىٔز بولنمش اولدیغی اهمیت تجاریه خیلی تدنی ایتمشدر. احوال تاریخیه سی. _ بو خطه پك اسكی بر زماندن بری كسب تمدن و معموریت ایدوب، استرابون وساىٔر بعض اسكی جغرافیون و مورخینك روایتنه كوره، یوناندن اول مدنیته ناىٔل اولمشیدی. اك اول فنیكه لیلر او وقت (توردتان) ویا (توردله) تسمیه اولنان بو خطه یه یناشوب، تجارت ایتمكه باشلامش، و حتی سواحلنده كندیلرینه مخصوص بعض قصبه لر دخی تأسیس ایتمشردی. بعده فنیكه نك بر شعبه سی اولان قرتاج اورایه دها یقین بولنمغله، قرتاجلیلر بو نقطه یی كاملاً ضبط ایتمشلردی. میلاددن ایكی عصر اول رومالیلر، توسیع ممالك ایتدكلری صره ده، بر چوق محاربه لردن صكره، بو قطعه یی دخی ضبط ایتمش؛ و وادىٔ كبیره (بتیس) و بو نهره نسبتله بو قطعه یه دخی (بتیا) اسمنی ویرمشلر ایدی. رومالیلردن صكره اسپانیانك ساىٔر طرفلریله برابر بو خطه دخی

قرطبه، غرناطه، اشبیلیه، المریه، ملاقه وساىٔر شهرلرده عربلرك ایشی اولان نیجه ابنیۀ مشهوره بولندیغی كبی، اساساً عربلر طرفندن بنا ایدلمش نیجه شهر و قصبه و قلعه لرك خرابه لری دخی هر طرفده كورلمكده، و حالا بو كون بتون بو خطه بر مملكت اسلامیه طرز و صورتنی ابراز ایتمكده در. یوقاریده صاییلان شهرلردن بعضیسنك حكومت اسلامیه زماننده برر ملیوندن زیاده اهالیسی اولوب، مملكت كثیر الفنوس شهر و قصبه و قریه لرله مملو بولنمش اولدیغی حالده، خرستیانلرك استیلاسی اوزرینه، اكثری اسلام و عرب اولان اهالىٔ قدیمه انواع مظالمله محو و اتلاف ویا طرد و تبعید اولندقلرندن، شهر و قصبه لرك اهالیدن خالی قالملری طبیعی ایدی. علم و معرفت و هنر وصنعت وزراعت ایسه اهل اسلامك النده بولندیغندن، بونلرك محو وپریشان اولمسی اوزرینه، مملكت بر ویرانه حالنده قالوب، اقلیم و هوا واراضینك كوزللكیله غیر متناسب بر تدنی حاصل اولمش، كه الی یومناهذا دوام ایدوب كیتمكده در. [((اندلس)) ماده سنه مراجعت بیوریله.]