Andalgala - آندالغالا

آمریقای جنوبیده آرجنتین جمهوریتنك (قتامارقه) ایالتنده سنجاق مركزی بر قصبه در، كه قتامارقه شهرینك ١٢۰ كیلومتره شمالنده و ١۰٢٥ متره لك ارتفاعده واقع اولوب، ٣۰٧٣ اهالیسی، و جوارنده كی معدنلر حسبیله خیلی اهمیتی واردر. _ سنجاغنك مساحۀ سطحیه سی ٢۰٨٣٦ مربع كیلومتره اولوب، یكرمی سنه اول یالكز ٧۰٣٥ اهالیسی وار ایدی.

ودها طوغریسی (مولی حسن) طاغنك ارتفاعی ٣٥٥٤ متره، یعنی پیرنه سلسله سنك اك مرتفع ذروه سندن ١٥۰ متره زیاده در. وادىٔ كبیر كرك سیرا مورنا و كرك سیرا نواده دن بر چوق نهرلرك صولرینی طوپلایه رق، شرق شمالیدن غرب جنوبی یه طوغری جریانله، قرطبه و اشبیلیه نك ایچندن كچدكدنصكره، قادیس قربنده بحر محیط آطلاسی یه منصب اولور. تابعلرینك اك بیوك و اك مشهوری غرناطه نك ایچندن كچن (شنیل) نهریدر. بحر محیط كبیره دیكر بر قاچ نهر دخی دوكلدیكی كبی، آق دكیزه ده سیرا نواده دن اینن بعض چایلر دوكیلور. هواسی، محصولاتی. _ آندالوسیانك یوكسك طاغلری صوىٔوق و علی الخصوص سیرا نواده نك شاهقه لری یاز قیش قارله مستور اولوب، پك آلچق یرلری و علی الخصوص سواحلی دخی پك صیجاق ایسه ده، طاغلرك اتكلری و نهرلرك وادیلری دنیانك اك كوزل هواسیله ممتاز اولوب، یازین پك صیجاق اولمدیغی كبی، قیشین دخی نادراً قار یاغوب، هوا معتدل و غایت كوزلدر. غرناطه اووه سی و شنیل وادیسی دنیانك اك كوزل یری عد اولندیغی كبی، اشبیلیه وقرطبه اووه لریله وادىٔ كبیر وادیسنك ساىٔر طرفلری دخی كوزللكده اوندن كری قالماز. بو خطه نك بغدای وساىٔر حبوباتی اهالىٔ مملكته كفایت ایده جك مقدارك ایكی مثلندن زیاده اولدیغی كبی، زیتون، پورتقال، لیمون، اوزوم، پاموق، ایپك وساىٔره مخصولاتی دخی پك چوق اولوب، زیتون یاغیسی و شرابی دخی مشهوردر. هر نه قدر كه كرك زراعتی و كرك صنایعی عربلرك خروجندن صكره كلی تدنی ایدوب، اهالىٔ حاضره سی پك چالیشقان اولمدیغندن، كرك محصولات زرعیه و كرك ایپك وساىٔره اراضینك درجۀ استعدادندن پك دون بر مقدارده یتیشدیرلمكده ایسه ده، هواوطوپراغك كوزللكی حسبیله ینه احتیاجات محلیه دن چوق دها زیاده محصولات آلنمقده در. بو خطه نك آتلری دخی اسكیدن بری مشهوردر. تقسیماتی. _ حكومت اسلامیه نك اواخرنده، اسپانیانك هر طرفنده اولدیغی كبی، بو خطه ده دخی بر طاقم كوچك و مستقل امارات اسلامیه تشكل ایدوب، خرستیانلرك استیلاسندن صكره بتون اسپانیا بر حكومت تشكیل ایتدیكی حالده دخی، بو امارتلرك