Antigone ~ آنتيغون
Kamus-ul'Alam - Antigone ~ آنتيغون maddesi. Sayfa: 406 - Sira: 7
Antigone - آنتيغون
بیوك اسكندرك جنراللرندن اولوب، بو جهانكیرك وفاتنده ملكنی مقاسمه ایدن طواىٔف ملوكدندر. بونك حصه سنه پامفیلیا، لیكیا ایله یوقاری فریجیا یعنی تكه، منتشا، كو تاهیه و آنقره طرفلری دوشمش ایسه ده، بو حصه سیله قناعت ایتمیه رك، اوغلی (دمتریوس پولیوركیت) ایله برابر (پردیقاس) ك علیهنده تشكل ایتمش اولان اتفاقه داخل اولمش؛ و (اومن) ی قتل ایله، بونك حصه سی اولان بافلاغونیا وقپادوكیایی یعنی قسطمونی و سیواس طرفلرینی؛ و متعاقباً بتون آناطولی ایله سوریه یی ضبط ایتمش؛ و بطلمیوس، سلفقوس، لیسیماخوس و قساندری مغلوب ایده رك، قبل المیلاد ٣۰٧ تاریخنده آسیا حكمداری عنواننی آلمشیدی. مصری دخی ضبط ایتمكله حاضرلنمقده ایكن، بطلمیوس، سلفقوس، لیسیماخوس و قساندر طرفندن كندیسنه متفقاً اعلان اولنان محاربه ده مغلوب اولوب، قبل المیلاد ٣۰١ تاریخنده، ٨٤ یاشنده اولدیغی حالده، مقتولاً وفات ایتمشدر. (كیقلوب) مخلصیله مشهور اولوب، تواریخ عربیه ده (انطیقن) اسمیله مذكوردر.
Kamusul Alam, Şemseddin Sami; Kamusul Alamde Antigone maddesi. osmanlıcada Antigone ne demek, Antigone anlamı manası, Antigone osmanlıca nasıl yazılır. Osmanlıca sözlükte Antigone hakkında bilgi. Arapça Antigone ne demek. Arapça osmanlıca sözlük. Farsçada Antigone anlamı
Kamusul Alamde - آنتيغون Antigone maddesi. Şemseddin Sami, Kamusul Alam Ansiklopedisi