Antishene ~ آنتيستن
Kamus-ul'Alam - Antishene ~ آنتيستن maddesi. Sayfa: 406 - Sira: 4
Antishene - آنتيستن
یونان قدیم حكماسندن اولوب، ((كلبیون)) طریقنك مؤسسیدر. قبل المیلاد ٤٢٤ تاریخنده آتنه ده طوغمش، و ٧٢ یاشنده وفات ایتمشدر. ابتدا سفسطیوندن (غورجیاس) ك درسنه دوامله، فن بلاغته داىٔر درس ویرمكه باشلامشیدیسه ده، مؤخراً بر كون سقراطك درسنده بولنمغله، تدریسدن واز كچوب، حكیم مشارالیهك شاكردانی صره سنه چكه رك، حكمت و فلسفه یه حصر همت ایتمشیدی. بو فیلسوف فضاىٔل اخلاقه او قدر اهمیت ویریوردی، كه دنیاده حسن اخلاقدن بیوك نعمت وسؤ اخلاقدن بیوك فضیحه یوقدر اعتقادنده ایدی. حتی عادات و مراسمك چوغنه دخی قبایح نظریله باقردی. سقراط بونك حسن اخلاق خصوصنده كی افراط شدتیله اكلنیردی. آنتیستن خیلی تألیفات یازمش ایسه ده، محو اولوب، یالكز بعض فقره لری بولنه بیلمشدر. عربلر عندنده (انطسثانس) اسمیله معروفدر.
Kamusul Alam, Şemseddin Sami; Kamusul Alamde Antishene maddesi. osmanlıcada Antishene ne demek, Antishene anlamı manası, Antishene osmanlıca nasıl yazılır. Osmanlıca sözlükte Antishene hakkında bilgi. Arapça Antishene ne demek. Arapça osmanlıca sözlük. Farsçada Antishene anlamı
Kamusul Alamde - آنتيستن Antishene maddesi. Şemseddin Sami, Kamusul Alam Ansiklopedisi