Antigua ~ آنتيغوآ
Kamus-ul'Alam - Antigua ~ آنتيغوآ maddesi. Sayfa: 406 - Sira: 5
Antigua - آنتيغوآ
آمریقاده كی (آنتیل) آطه لرینك انكلتره نك النده بولنانلرندن اولوب، (باربوده) نك ٥۰ كیلومتره جنوبنده و (غو آدلوپ) ك ٦۰ كیلومتره شمال غربیسنده،
ْ١٧ عرض شمالی ایله ً١٧ َ٥ ْ٦٤ طول غربیده واقعدر. بیضوی الشكل اولوب، مساحۀ سطحیه سی ٢٨۰ مربع كیلومتره در. اراضیسی آلچق و صوسز اولوب، اهالیسی یغمور صولرینی صهر نجلره طوپلامق مجبور یتنده درلر. سواحلنده بر چوق قویلری اولوب، ساحل جنوبیسنده اولان (انكلیش هارنور) لیمانی آلتیل جزایرینك اك امین لیمانیدر. مركزی اولان (سنت جون) قصبه سی انكلتره نك النده بولنان شرقی آلتیل جزایرینك دخی مركز عمومیسیدر. باشلیجه محصولاتی شكر قامشندن عبارت اولوب، سنوی تجارتی ١٢ ملیون فرانق راده لرنده در. اهالیسی ٤۰۰۰۰ كشی قدر اولوب، یالكز ٢٥۰۰ ی بیاض و قصوری زنجیدر. آمریقاده اك اول بو آطه نك اهالیسی اسارتی لغو ایتمشلردر. جزیره لوندره دن نصب اولنان بر متصرف ایله بر مجلس اداره و بر مجلس منتخب طرفندن اداره اولنور. بو آطه قریستوف قولومب طرفندن كشف، و ١٦٣٢ تاریخ میلادیسنده انكلیزلر طرفندن ضبط و اسكان اولنمشدر.
Kamusul Alam, Şemseddin Sami; Kamusul Alamde Antigua maddesi. osmanlıcada Antigua ne demek, Antigua anlamı manası, Antigua osmanlıca nasıl yazılır. Osmanlıca sözlükte Antigua hakkında bilgi. Arapça Antigua ne demek. Arapça osmanlıca sözlük. Farsçada Antigua anlamı
Kamusul Alamde - آنتيغوآ Antigua maddesi. Şemseddin Sami, Kamusul Alam Ansiklopedisi