Alphones - آلفونس

اون ایكنجی _ اسپانیانك سابق قرالی اولوب، اسبق قرالیچه ایكنجی ایزابلا ایله زوجی (فرانسوآ داسیس) ك اوغلی ایدی. میلادك ١٨٥٧ تاریخنده تولد ایدوب، والده سنك حكومتی زماننده آستوریه پرنسی عنواننی حاىٔز ایكن، ١٨٦٨ اختلالی اوزرینه، والده سیله برابر اسپانیایی تركله، پارسه قاپمشلردی. دون آلفونس ابتدا ویانه نك (ترزیانوم) مكتبنه كیروب، آنجق بر قاچ آی صكره والده سی

قراللق حقوقنی كندیسنه ترك ایتمكله، پارسه عودت ایده رك، بعده پارس ولوندره ده تحصیلنه دوام ایتمش؛ وبو آرالقده اسپانیا جمهوریتدن قراللغه وقراللقدن جمهوریته تحول ایده رك، بر كونه قرار واستراحت بوله مامغله، ١٨٧٤ سنۀ میلادیه سی اواخرنده سركارده بولنانلر دون آلفونسك اون ایكنجی آلفونس عنوانیله قراللغنی اعلان ایده رك، ١٨٧٥ سنه سی اواىٔلنده كندیسنی اسپانیایه جلب ایتمشلردر. آنجق سپانیا او وقت هرج ومرج اولوب، بر طرفدن جمهوریت وبر طرفدن دخی دون قارلوس طرفدارلری اعلان عصیان ایتمش اولدقلرندن، كنج قرال بر سنه دن زیاده ارباب اختلاللۀ اوغراشمش، واكثر محاربه لرده بالذات عسكره قومانده ایده رك، نهایت ١٨٧٦ سنه سنك مارت آینده دون قارلوسك منهزم اولوب فرانسه یه قاچمسی اوزرینه، طرفدارلری دخی طاغلمش، وقرال عفو عمومی یی اعلان ایتمش اولمغله، اختلال كاملاً بر طرف اولمش؛ و اون ایكنجی آلفونس اسپانیا قراللغنده تقرر ایتمشدی. یالكز اسكی امتیازلرینك لغوندن طولایی آیاغه قالقمش اولان ناواره ایالتنك و آمریقاده كی قوبه آطه سنك اختلاللری ١٨٧٨ سنه سنه قدر دوام ایتمشدر. بو مسىٔله لر دخی ختام بولنجه، كنج قرال (مونپنسیه) دوقه سنك قیزی (ماریا مرسدس) ایله عقد از دواج ایتمش؛ وبر قاچ آی صكره كنج قرالیچه وفات ایتمكله، قرال آلفونس خیلی مدت رفیقه سنك نار فرقتیله یانوب، اونك یرینه هیچ بر مخلوقی قاىٔم ایتمكه راضی اولمق ایستمه مش ایسه ده، نهایت ١٨٧٩ سنه سی تشرین ثانیسنده آوستریا ومجارستان خاندان حكمداریسنه منسوب پرنسس (ماریا قریستینه) ایله عقد ازدواج ایتمش؛ و ١٨٨٥ سنه سی تشرین ثانیسنده، ٢٨ یاشنده اولدیغی حالده، زوجه سنی حامله بر اقه رق، وافات ایتمشدر. زوجه سی ناىٔبۀ حكومت اولوب، آلتی آی صكره تولد ایدن اون اوچنجی آلفونس قرال اعلان اولنمشدر. صاحب ترجمه ممدوح االخصال بر حكمدار اولوب، تبعه سنه اولان محبتی وجسارتی بردرجه ده، ایدی، كه اسپانیانك بعض طرفلرنده قولره ظهورنده وارثی اولمامق مناسبتیله، خسته لق محلنه كیتمه مسی مجلس وكلاجه تحت قراره آلنمش ایكن، خفیاً مادریددن چیقوب، علت ساریه نك كمال شدتله حكم

سورمكده اولدیغی محللره عزیمتله، خسته خانه لری كزمش، وفقرا ومصابینه اجرای تسلیت ومعاونت ایتمشدر.