Alphonse - آلفونس

بو اسمله اوروپا دول مختلفه سنده متعدد حكمدارلر كلمشدر، كه بروجه زیر آیری ذكر اولنور:

تاریخنه دك حكم سورمشدر. برنجی فردیناندك اوغلی اولمغله، فردیناند وفاتنده مكلنی اوچ اوغلی بیننده تقسیم ایتدیكنده، كندیسنه (لیون) حكمدارلغی دوشمشیدی. ١۰٦٨ تاریخنده برادری قشتاله حكمداری (سانشه) طرفندن ملكندن اخراج اولنمش ایسه ده، ١۰٧٢ تاریخنده بونك وقوع قتلی اوزرینه، ملك موروثنی استرداد ایتدكدن بشقه، برادرینك حصه سی اولان قشتاله یی دخی ضبط، وحكومت اسلامیه ایله ایتدیكی محاربه لرده غالب كلمكله، (طلیطله) شهرینی استیلا وپایتخت اتخاذ ایتمشیدی. مؤخراً مرابطینه قارشی قرطبه دولت اسلامیه سیله اتفاق ایده رك، بر قاچ محاربه ده مغلوب اولمش؛ وبو محاربه لرك برنده یكیا اوغلی اورلمغله، كدرندن فوت‌ اولمشدر. یدنجی آلفونس _ آراغون حكمداری ایكن، (اوراقه) یی تزوج ایتمكله، ١١۰٩ تاریخ میلادیسنده قشتاله نك دخی حكمداری اولمشیدی. [آراغون حكمدارلری صره سنده ذكر اولنه جقدر.] سكزنجی آلفونس _ قشتاله، لیون وغالیچه حكمداری اولوب، میلادك ١١٢٧ تاریخندن ١١٥٧ تاریخنه دك حكم سورمشدر. بر مدت والده سی (اوراقه) ایله مشتركاً حكم سوروب، و الده سنك وفاتندن صكره، بو قادینك سؤ اداره سی نتاىٔجندن اولان فنالقلرك اوكنی آلمش؛ واو كی پدری آراغونلی آلفونسك ضبط ایتمش اولدیغی بعض یرلری استردادله، اندلس حكومت اسلامیه سنه قارشی بعض غالبیتلره ناىٔل اوله رق، (قلاتراوه) و (المریه) یی ضبط ایتمش، و ((اسپانیا ایمپراطوری)) عنواننی آلمق ادعاسنه قالقیشمشیدی. بونك قیزی (قونستانه) فرانسه قراللرندن یدنجی (لویی) یه وارمشیدی. طقوزنجی آلفونس _ ((اصیل)) لقبیله ملقبدر. میلادك ١١٥٨ تاریخنده ١٢١٤ تاریخنه دك قشتاله حكمداری اولوب، پدرینك وفاتنده اوچ یاشنده بو لنمغله، صباوتی زماننده مملكتك بر قسمی بعض دره بكلرینك ید غصبنه چكمش ایسه ده، سن رشده بلوغندن صكره، ممالك مغصوبه سنی استردادله برابر، توسیع ممالكه دخی مقندر اولمش؛ و ١١٩٥ تاریخنده اهل اسلامله ایتدیكی بر محاربه ده بر بیوك مغلوبیته دوچار اولوب، بعده (ناواره) و (آراغون)

١ آستوریه، لیون وقشتاله حكمدارلری : برنجی آلفونس _ ((قتولیك)) مخلصیله معروف اولوب، میلادك ٦٩٣ تاریخنده طوغمش، وقاىٔن پدری (پلاج) ك وفاتندن ایكی سنه صكره، ٧٣٩ تاریخنده (فاویلا) یه خلف اوله رق، اسپانیانك شمالنده كی (آستوریه) تختنه جلوس ایتمشدر. اندلس حكومت اسلامیه سیله بر چوق محاربه لر ایدوب، ٣۰ قصبه ضبط ایتدكدن صكره، ٧٥٧ ده وفات ایتمشدر. ایكنجی آلفونس _ ((عفیف)) لقبیله ملقبدر. میلادك ٧٨٣ تاریخنده آستوریه تختنه جلوس ایدوب، ینه اوسنه حكومتدن اسقاط اولنمش، و ٧٩١ ده یكیدن تختی ضبطله، اندلس حكومت اسلامیه سنه قارشی بر چوق محاربه لردن صكره، مقر حكومتنی (اوویدو) شهرینه نقل ایله (لیسبونه) شهرینی دخی استیلا، وبعده فراغ ایله، ٨٤٢ ده وفات ایتمشدر. اوچنجی آلفونس _ ((بیوك)) لقبیله ملقبدر. میلادك ٨٤٨ تاریخنده طوغوب، ٨٦٦ ده پدری (اوردونیو) یه خلف اولمش، واندلس حكومت اسلامیه سیله بر چوق محاربه لر ایده رك، (لیون) خطه سنی واسپانیانك ساىٔر بعض جهتلرینی ضبط ایتمش ایسه ده، ملكنده ظهور ایدن اختلاللرله اوغراشمش، ونهایت كندی اوغلی طرفندن مغلوب اولوب، ٩١۰ تاریخنده فراغتله، تخت موروثنی اوغلنه براقمغه مجبور اولمش؛ وایكی سنه صكره وفات ایتمشدر. دردنجی آلفونس _ ((كشیش)) لقبیله ملقبدر. اوچنجی آلفونسك تورونی اولوب، میلادك ٩٢٤ تاریخندن ٩٢٧ تاریخنه دك لیون وآستوریه حكمدارلغنو ایتمش، وبرادری (رامیر) طرفندن كوزلری چیقارلمغله، لیونك قربنده بر مناستره حبس اولنه رق، ٩٣٢ ده وفات ایتمشدر. بشنجی آلفونس _ لیون وقشتاله حكمداری اولوب، میلادك ٩٩٥ تاریخنده طوغمش، و ٩٩٩ دن ١۰٢٧ یه قدر حكم سوره رك، اندلس اهل اسلامی بیننده كی نفاق وتفرقه دن بالاستفاده، حكومت اسلامیه یه اعلان حرب ایتمش ایسه ده، (ویسو) شهرینك محاصره سنده قتل اولنمشدر، آلتنجی آلفونس _ غالیچه لیون وقشتاله حكمداری اولوب، میلادك ١۰٦٥ تاریخندن ١١۰٩

(اوراقه) یی تزوج ایتمكله، قاىٔن‌ پدرینك‌‌ وفاتنده قشتاله یی دخی ممالكنه التحاق ایتمكه چالیشمش، وحتی قشتاله لیلرك بر طاقمی طرفندن حكمدارلغه قبول اولنمش ایسه ده، زوجه سی اوراقه اهالینك دیكر بر طاقمیله مخالفت ایدوب، یدی سنه محاربه دن صكره، قشتاله نك ضبطندن واز چكیرمكه موفق اولمش، وكندیسندن بوشانمشیدی. آلفونس اووقت اندلس اهل اسلامیله اوغراشمغه باشلایوب، ابتدا غالب كلمش، ومركز حكومت اتخاذ ایتدیكی سراغوسه (یعنی سرقسطه) شهرینی ضبط ایتمش ایسه ده، بعده (افراغه) ده بیوك بر انهزامه دوچار اولوب، كدرندن وفات ایتمشدر. ایكنجی آلفونس _ آراغون حكمداری اولوب، میلادك ١١٦٢ تاریخندن ١١٩٦ تاریخنه دك حكم سورمش؛ وفرانسه ده (طولوز) قونتلریله مدت مدیده غوغا ایدوب، بعض یرلر ضبط ایتمشدر. بوده اندلس علمای اسلامنه تقلیداً معارفك ترقیسنه خدمت ایتمش، وكندیسی بعض اشعار سویلمشدر. اوچنجی آلفونس _ اوچنجی پدرونك برنجی اوغلی اولوب، میلادك ١٢٨٥ تاریخندن ١٢٩١ تاریخنه دك آراغنده حكم سورمش؛ وفرانسه، قشتاله وناپولی حكمدارلرینك تشكیل ایتمش اولدقلری اتفاقه قارشی محاربه ایدوب، ١٢٨٨ ده (مینورقه) آطه سنی دخی اهل اسلامك الندن آلشدر. دردنجی آلفونس _ میلادك ١٣٢٧ تاریخندن ١٣٣٦ تاریخنه دك آراغونده حكم سوروب، كوشك بر حكمدار اولغله، عصیان ایتمش اولان اغلیله او غراشمش، ومع هذا‌ جنویزلردن (ساردنیا) آطه سنی ضبط ایتمكه مقتدر اولمشیدی. بشنجی آلفونس _ آراغون سیچلیا حكداری اولوب، میلادك ١٣١٦ تاریخنده طوغمش، وپدری ((عادل)) فردیناند طرفندن كندی حیاتنده سیچلیا حاكمی بولندیغندن، ١٤١٦ تاریخنده پدرینك وفاتی اوزرینه، آراغون دخی كندیسنه قالدیغی كبی، ناپولی قرالیچه سی (یوآنه) دخی كندیسنی وارث براقمش ایسه ده، ناپولی یی اله چكیرمك ایچون، پك چوق اوغراشمش، وضبط ایدنجه پایتختنی اورایه نقل ایتمش؛ وكندیسی عالم بر آدم اولمغله، قسطنطینیه دن هجرت ایدن علمایی تخت حمایه سنه آلمشیدی. آنجق سفاهته زیاده جه منهمك اولدیغی مرویدر.

حكمدارلرینك امدادیله ینه غالبیته ناىٔل اولمشیدی. _ بونك عمیجه زاده ی اولان دیكر بر طقوزنجی آلفونس دخی میلادك ١١٨٧ تاریخندن ١٢٣۰ تاریخنه دك یالكز لیون حكمداری اولوب، اندلس اهل اسلامیله بر چوق محاربه لر ایتمشدر. اوننجی آلفونس _ ((منجم)) و ((حكیم)) لقبلریله ملقبدر. میلادك ١٢٥٢ تاریخنده پدری اوچنجی فردیناندك وفاتنده لیون وقشتاله حكمداری اولوب، بش سنه صكره آلمانیا پرنسلرینك بر طاقمندن جلب اولنه رق، آلمانیا ایپراطوری انتخاب اولنمش ایسه ده، ایمپراطورلق تختنه اوتورمق ایچون، رقیبی اولان (ریشار قورنوآی) ایله محاربه ایتمكله ایكن، اندلس مسلمانلری اسپانیاده كی ملكنك قسم اعظمنی استرداد یتدكلری كبی، اوغلی (سانشه) دخی اعلان عصیانله، ١٢٨٢ تاریخنده تخته جلوس ایتمشیدی. آلفونس ملكنی استرداد ایچون مغرب اهل اسلامنه التجا ایده رك، نهایت ١٢٨٤ ده اشبیلیه ده مأیوساً وفات ایتمشدر. بو ذات عرب تربیه سنی آلمش اولمغله، اووقتكی خرستیانلرك اك عالمی اولوب، بین النصارا علوم ومعارف اسلامیه نك نشرینه خدمت ایتمش، و ((ازیاج آلفونسیه)) دنیلن بر طاقم زیجلر ترتیب، و (سلامانقه) ده اندلس مسلمانلرینك مؤسسات علمیه سی طرزنده بر دار الفنون تأسیس ایتمشیدی. بعض تألیفاتی وازان جمله بر اسپانیا تاریخی دخی واردر. اون برنجی آلفونس _ ((منتقم)) لقبیله ملقبدر. لیون وقشتاله حكمداری اولوب، دردنجی (فردیناند) ك اوغلیدر. ١٣١۰ تاریخنده طوغوب، ١٣١٢ ده پدرینك ملكنه وارب اولمش؛ و ١٧٤۰ ده پورتكیز حكمداری دردنجی آلفونسله بالاتفاق، اندلس اهل اسلامنی مغلوب ایتمش ایسه ده، ١٣٥۰ ده جبل طارقده طحصن ایتمش اولان اهل اسلامی محاصره ایتمكده ایكن، وبادن هلاك اولمشدر. ٢ آراغون حكمدارلری : برنجی آلفونس _ ((جنكاور )) لقبیله ملقبدر. آراغون وناواره حكمداری اولوب، میلادك ١١۰٤ تاریخندن ١١٣٤ تاریخنه دك حكم سورمشدر. قشتاله حكمداری آلتنجی آلفونسك قیزی و وارثه سی