AlaSunya ~ آلا صونيه
Kamus-ul'Alam - AlaSunya ~ آلا صونيه maddesi. Sayfa: 280 - Sira: 9
AlaSunya - آلا صونيه
سرفیجه مستقل سنجاغنده قضا مركزی بر قصبه اولوب، سر فیجه نك ٣٥ كیلومتره جنوب شرقیسنده، (اولیمبوس) ك شعباتندن (قوقولی) طاغنك غربی اتكنده واقع اوله رق، حدود یونانیه نك ١۰ كیلومتره شمالنده در. (كوستم) نهرینه دوكیلن (قیناق صویی) چاینك تابعلرندن بر دره قصبه نك ایچندن چكر. ٤ جامع شریفی، ٣ مسجدی، ١ مدرسه سی، ١ صبیان مكتبی، ١ عمارتی، خیلی باغ وبوستانی و ٤۰۰۰ قدر اهالیسی اولوب، اكثری مسلم وقصوری رومدر. بو قصبه نك شاعر قدیم اومیروسك (اولوسون) اسمیله ذكر ایتدیكی شهرك عینی اولدیغی مظنوندر. _ قضاسی ٦٦ قریه دن مركب اولوب، ٤٥٢٣ خانه وتقریباً ١٩۰۰۰ اهالی یی جامعدر، كه بونلرك همان نصفی مسلم ودیكر نصفی رومدر. درون قضاده ١٥ جامع ومسجد، ٢ مدرسه وعمارت ١٢ مكاتب صبیانیه، ١ تكیه، ١١٤ كلیسا ومناستر و ١٦ كوپری موجوددر. حاصلاتی حبوبات متنوعه ایله برابر، پاموق، توتون، سوسام، ایپك وساىٔره دن عبارت اولوب، دكرمنلری دخی چوق اولمغله،
حبوبات محلنده او كوتدیریله رك، جوار محللره دقیق اخراج اولنور. پاموقدن كوزل بر طاقم آلاجه لر ویوكدن كلیملر یاپیلیر. بر ایكی نوع پینیر دخی یاپیلوب، خیلی مقداری اخراج اولنور.
Kamusul Alam, Şemseddin Sami; Kamusul Alamde AlaSunya maddesi. osmanlıcada AlaSunya ne demek, AlaSunya anlamı manası, AlaSunya osmanlıca nasıl yazılır. Osmanlıca sözlükte AlaSunya hakkında bilgi. Arapça AlaSunya ne demek. Arapça osmanlıca sözlük. Farsçada AlaSunya anlamı
Kamusul Alamde - آلا صونيه AlaSunya maddesi. Şemseddin Sami, Kamusul Alam Ansiklopedisi