Alaska - آلاسقه

آمریقانك منتهای شمال غربیسنده بر بیوك شبه جزیره در، كه َ٢۰ ْ١٤٢ طول غربی خط موهومندن بهرنك بوغازینه یعنی ْ١٧۰ طول غربی یه قدر ممتد اولور؛ وشمالاً بحر منجمد شمالی ایله، جنوباً دخی بحر محیط كبیر ایله محدوددر. غیر منتظم بر شكل مربع صوررتنده اولوب، كرك طول وكرك عرضی ١٢۰۰ ایله ١٣۰۰ كیلومتره آره سنده در. بهرك بوغازنده بر قاچ آطه سی وغرب جنوبی كوشه سندن دكیزك ایچنه خیلی اوزانان (آلاسقه) شبه جزیره سنك اوته سنه طوغری ممتد اوله رق، (آلىٔون) جزایری دنیلن بر صره آطه لری اولدیغی كبی، جنوب شرقی كوشه سنده

ایج طرفنده كی (ایلیامنه) كولیدر. آلاسقه نك بعض جهتلرنده آلتون وكمور معدنی وكهربا بولنور. اهالیسنك بر قسمی اقطار شمالیه اهالیسندن اولان اسكیمولردن وبر قسمی ده ساىٔر آمریقای شمالی اقوامندن اولوب، مختلف لسانلرله متكلمدر، و اكثریسی مستقل اولوب، بعضیسی حكومته مطیعدرلر. آوروپالیلرك قسم اعظمی روس اولوب، ممالك جتمعه انكلیزلری دخی كیتدكجه چوغالمقده در. روسلر اون یدنجی عصر میلادیده سیبریانك سواحل شرقیه سنه قدر واصل اولمشلردیسه ده، آسیا قطعه سنك شمال شرقی جهتندن آمریقا ایله ملاصق اولوب اولمدیغی مجهول قالمشیدی. بیوك پترو او طرفلرك كشف وتحقیقنه خیلی اهمیت ویرمشیدیسه ده، زماننده بر نتیجه حاصل اوله میوب، زوجه سی ووارثه سی اولان ایمپراطوریچه (قترینه) ١٧٢٨ تاریخ میلادیسنده مشهور (بهرنك) و (چریقوف) نام قپودانلرك قومانده سیله او طرفه ایكی سفینه كوندرمش؛ وبونلر سیبریانك سواحلنی طولاشه رق، آسیا قطعه سنك آمریقایه ملاصق اولمدیغنی كشف ایتمشلرسه ده، آمریقانك او جهتده كی سواحلی حقنده بر كونه معلومات استحصال ایده مه مشلردی. مؤخراً ١٧٤١ تاریخنده ینه مومی الیهما سیبریانك قارشیسنده كی آمریقا طرفنك كشفنه مأمور اولوب، آلاسقه نك سواحل جنوبیه سنی كشف ایتمشلر؛ وقپودان (چریقوف) عودت ایدوب، (بهرنك) اوراده هلاك اولمشدر.‌ ١٧٧٨ ده سیاح مشهور انكلیز قپودان (قوق) بهرنك بوغازندن كیره رك، آلاسقه نك سواحل شمالیه سی بوینجه تا ((منجمد برون)) ە قدر چیقه بیلمشدر. بو قطعه نك كشفی اوزرینه، محضا قره ودكیز حیوانلرینك صیدیله كورك تجارتی ایتمك اوزره، بر طاقم روسلر كیدوب، سواحلده ونهرلرك كنارلرنده یرلشمش، وبر طاقم شركتلر تشكل ایتمشیدر. ١٧٩٩ ده روسیه دولتی بو شركتلری تحت اداره سنه آله رق، رسمی بر شركت عمومیه تشكیل ایتمش؛ وبو شركت مرور زمانله بر حكومته تحول ایده رك، (سینقه) جزیره سنده ((یكی آرخانكل)) شهری بنا ومركز اتخاذیله، آلاسقه قطعه سی روسیه نك بر ایالتی حكمنه چكمشدر. ممالك مجتمعه جمهوریتی بو قطعه یه تجارتدن زیاده سیاسی بر مقصد له محتاج اولدیغنی آكلا-

دن زیاده مرتفع اولمیوب، یالكز جنوب شرقی طرفنده حدودده بولنان (سنت الیاس) ذروه سنك درت بیك متره دن زیاده و او طرفده كی بعض بركانلرك دخی بوكا قریب ارتفاعلری واردر. آلاسقه نك سواحلی حیلی كیرنتیلی چیقنتیلی اولوب، بر چوق برونلری، شبه جزیره لری، كورفزلری، خلیجلری، آطه لری وبوغازلری واردر. شمال طرفنده (باروو) برونی اك شمالی نقطه سی اولوب، ْ٧١ ً٣١ َ٢٣ عرض شمالی ایله َ٤۰ َ٤١ ْ١٥٨ طول غربیده واقعدر. بونك غرب جهتنده اولان (آیسی كب) یعنی منجمد برون ایسه مشهور قپودان (قوق) ك صوك سیاحتنده واصل اوله بیلدیكی محل اولمغله شهرت بولمشدر. غرب طرفنده (پرنس دوغال) برونی او جهتدن آلاسقه نك وبتون آمریقانك اك ممتد نقطه سی اولوب، ً٢۰ َ١٩ ْ١٧۰ طول غربی ایله ْ٦٥‌ ً٣۰ َ٣٥ عرض شمالیده واقعدر، وبهرنك بوغازینك اك طار محلنی تشكیل ایدیور. اك بیوك كورفزلری بهرنك بوغازینك شمال طرفنده اولان (قوچبو) وجنوب طرفنده كی (نورتون) كورفزلریدر. غرب جنوبی طرفنده آلاسقه شبه جزیره سنك شمالنده (بریستول) خلیجی بولنیور، كه اسكیمولر طرفندن (قویچاق) دنیلیر؛ جنوب سواحلنده دخی (كنای) شبه جزیره سنك ایكی طرفنده (قوق) و (پرنس ویلیام) خلیجلری واردر. جنوبه طوغری ممتد اولان ساحلده دخی (قروس سوند) یعنی ((خاچ خلیجی)) و (سیتقه) خلیجی ایله دیكر بر قاچ كوچك خلیج بولنیور. بو ساحلك قارشیسنده (آلكساندر) جزایری واردر، كه ٦ بیوك وبر چوق كوچك آطه لردن مركب اولوب، بیوكلردن برنده (سیتقه) شهری بولنیور، كه آلاسقه نك یكتا شهری اولوب، صوىٔوغی نسبةً آز اولمغله، بو قطعه نك مقر اداره سی اتخاذ اولنمشدر. بو آطه لردن و (آلىٔوتی) طاقمندن‌ بشقه پرا كنده بر طاقم آطه لر دها واردر، كه اك بیوكلری : آلاسقه شبه جزیره سنك جنوب شرقیسنده كاىٔن وبو شبه جزیره دن (شلیقوف)‌ بوغازیله آیرلمش اولان (قادیاق) آطه سیله بهرنك دكیزنده كی (نونیاق)، (سنت لوران)، (سنت ماتیو) آطه لری و (پیرسلوف) طاقمیدر. بهرنك بوغازینك اورته سنده دخی (دیومید) طاقمی بولنیور. آلاسقه نك اك بیوك كولی آلاسقه شبه جزیره سنك

یه رق، ١٨٦٧ ده روسیه دولتندن اشترا ایتمشدر.