Academie ~ آقادميا
Kamus-ul'Alam - Academie ~ آقادميا maddesi. Sayfa: 251 - Sira: 8
Academie - آقادميا
افلاطونك آتنه ده آچمش اولدیغی مدرسه نك اسمیدر،
ده فن معماری یه مخصوص اوچ آقادمیا تأسیس اولنمشدر. بو آقادمیالرك جمله دی ١٧٩٣ اختلال عظمینده اختیار تعطیل ایتمشلردیسه ده، ١٧٩٥ ده یكیدن احیا، و ((فرانسه انجمن معارفی)) نامیله بر داىٔره یه جمع اولنمشدر. بو انجمن تاریخ وادبیات، فنون، صنایع نفیسه، علوم اخلاقیه وسیاسیه شعبه لرینه منقسمدر، كه بو شعبه لرك هر بری آیریجه بر آقادمیادر. _ فرانسه نك اكثر ایالاتنده دخی آقادمیالر تأسیس اولنمشدر. انكلتره ده باشلیجه اوچ آقادمیا واردر، كه بونلرك برنجیسی ١٦٤٥ ده اوقسفورد شهرنده تأسیس اولنوب، ١٦٦۰ ده لوندره یه نقل اولنمشدر. _ بری ١٧٣١ ده ایرلانده نك ادیمبورغ شهرنده، واو چنجیسی دخی جغرافیایه مخصوص اوله رق ینه لوندره ده تشكل ایتمشدر. اوچی ده مجموعۀ موقوته لر نشر ایتمكده درلر. آلمانیاده ابتدا ١٦٥٢ ده ((عجاىٔب طبیعت آقادمیاس)) نامیله لیپسیقده بر آقادمیا تشكل ایدوب، بعده آلمانیانك ساىٔرر بعض شهرلرنده اجتماع ایتمش، و ١٦٧٧ ده ایمپراطور لىٔوپولد طرفندن تحت حمایه یه آلنمغله برابر ویانه یه نقل اولنمش، واو وقتدن بری ((لىٔوپولد آقادمیاسی)) نامنی آلمشدر. برلینده ١٧٧۰ تاریخنده برنجی فردریق طرفندن بر ((فنون آقادمیاسی)) تأسیس اولنوب، ابتدا لاتینجه صكره فرانسز جه ونهایت آلمانجه مجموعۀ فنیه لر نشر ایتمكده در. بو آقادمیانك ایلك مدیری حكیم مشهور (لیپینچ) اولمشدر. اسوجده ١٧١۰ تاریخنده (اوپسال) شهرنده السنۀ شمالیه یه مخصوص بر آقادمیا تشكیل اولندیغی كبی، استوقهولمده دخی ١٧٥٩ ده بر ((فنون آقادمیاسی)) تشكل ایدوب، او وقتدن بری بر مجموعۀ فنیه نشر ایتمكده در. اسپانیاده ١٧١٣ ده اسپانیولجه لساننك ترقیسی وظیفه سیله (اسقالونه) دوقه سی طرفندن بر آقادمیا تشكیل اولنه رق، مادریدده اجتماع ایتمكده در. روسیه ده پترسبورغ ((فنون قادمیاسی)) ١٧٢٤ ده بیوك پترو طرفندن تأسیس، و ١٧٢٥ ده قاترینه طرفندن توسیع اولنه رق، او وقتدن بری باشلیجه فرانسز جه ولاتینجه لسانلرنده مجموعه لر نشر ایتمكده در. آمریقانك ممالك مجتمعه سنده بوستون آقادمیاسی
١٥٨۰ ده، وفیلادلفیاده كی ((علوم فلسفیه آقادمیا سی)) دخی ١٧٦٩ ده تأسیس اولنمشدر.
Kamusul Alam, Şemseddin Sami; Kamusul Alamde Academie maddesi. osmanlıcada Academie ne demek, Academie anlamı manası, Academie osmanlıca nasıl yazılır. Osmanlıca sözlükte Academie hakkında bilgi. Arapça Academie ne demek. Arapça osmanlıca sözlük. Farsçada Academie anlamı
Kamusul Alamde - آقادميا Academie maddesi. Şemseddin Sami, Kamusul Alam Ansiklopedisi