Akka ~ آقا
Kamus-ul'Alam - Akka ~ آقا maddesi. Sayfa: 250 - Sira: 5
Akka - آقا
آفریقای وسطیده ْ٣ عرض شمالیده و (غوندوقورو) مملكتنك غرب طرفنده ساكن بولنان بر قومدر، كه افرادینك جوجه لكیله مشهوردر. بونلرك اك اوزون بویلیسی ایكی آرشیندن زیاده دكلدر. ساكن بولندقلری یر الآن تمامیله كشف اولنمامش اقطار آفریقیه دن اولمغله، یالكز ایكی سیاح بونلری كوره بیلمشدر، كه بونلرك برنجیسی (اشواینفورت) نام مشهور آلمانیالی سیاح، و ایكنجیسی (میانی) نام ایتالیاندر. اشواینفورت بونلرك قیصه بویلی، كوچك اللی، كوچك آیاقلی وغایت جست وچالاك اولوب، اوق ومزراغی پك ایی قوللاندقلرینی، واكثریا كندی جسملریله غیر متناسب بر ایشده بولنه رق، فیل آوجیلغیله مشغول اولدقلرینی بیان ایدیور. مومی الیه اوروپایه كتیرمك اوزره، برینی آلمش ایسه ده، نوبه یه قدر كتیروب، اوراده وفات ایتدیكنی یازیور. ماریانی ایسه بونلردن ایكی كشی آلوب، ایتالیایه قدر كتیرمكه موفق اولمش ایسه ده، بونلرده چوق یاشایه مامشلردر. بونلرك بیوكی اون درت یاشنده اولدیغی حالده ١ متره ایله ١١ سانتیمتره بویی وار ایدی. حبشك جنوب طرفنده دخی (دوقو) اسمیله بویله جوجه بر قوم وار ایسه ده، بونلرله بر مناسبتلیر اولوب اولمدیغی معلوم دكلدر. اسكی یونان مورخلری آفریقانك ایج طرفلرنده (پیغمه) یاخود (پوغمه)
اسمیله بویله بر جوجه قوم بولندیغنی یازیورلر، كه شبهه سز بو آقا قومی اوله جقدر. او وقت مصر كاروانلری سودانك ایج طرفلرینه قدر كیتدكلرندن، كاروانلر واسطه سیله بو قومك وجودی خبری آلنه بیلمش اولملی ایدی.
Kamusul Alam, Şemseddin Sami; Kamusul Alamde Akka maddesi. osmanlıcada Akka ne demek, Akka anlamı manası, Akka osmanlıca nasıl yazılır. Osmanlıca sözlükte Akka hakkında bilgi. Arapça Akka ne demek. Arapça osmanlıca sözlük. Farsçada Akka anlamı
Kamusul Alamde - آقا Akka maddesi. Şemseddin Sami, Kamusul Alam Ansiklopedisi