Atilla - آتیلا

قرون وسطا ده اورپایی استیلا ایدن اقوام و حشیه دن هو نلرك رىٔیس و حكمداری اولوب، میلادك ٤٣٢ تاریخنده برادری (بلدا) ایله مشتركاً حكمدار اولمش ایسه ده، اون سنه صكره برادرینك وجودینی قالد یره رق، یالكز قالمش، و غایت ظالم وخو نخوار اولمغله ((اللهك غضبی)) لقبیله شهرت بولمشدر. ٤٤١ تاریخنده (پانونیا) ده یعنی خرواتستان طرفلرنده یر لشمش اولان هو نلرك باشنه چكوب، تخریب ممالكه باشلامش، وابتدا شرق ایمپراطور لغندن بدأ ایده رك، قسطنطینیه قیصری بولنان (كنج تىٔو دوس) ی جزیه یه ربط ایتد كدن صكره، بشیوز بیك عسكرله جرمانیایه، واورادن ٤٥١ ده غالیا یعنی فراسه یه دخول ایله (اورلیان) شهرینه قدر ایلریلمش ایسه ده. روما جزاللرندن (آىٔتیوس) ایله فرانقلرك حكمداری (مرووه) و غوتلرك حكمداری (نتو دوریق) بالاتفاق قارشی طوروب، رجعته مجبور ایتمشلر: ومؤ خراً (شامپانیا) ده وقوع بولان غایت خونزیزانه بر محاربه ده عسكرینك برربعی تلف اولدقدن صكره، ایتالیایه دونوب، بر چوق یرلرینی یغما و تخریب ایله. ‌رومانك اورینه یوریمكده ایكن، پاپا (سن لیون) اوكنه چیقوب، رومایه دخولدن

صرف نظر ایتمكه قاندیر مش؛ آتیلا روما ایپراطوری او چنجی (والنتین) دن جز یه آلدقدن صكره، دها ایلری كیتمیوب، پانونیایه عودت اایتمش؛ و مؤخراً، بر ایكنجی سفره حاضرلنمقده ایكن، ٤٥٣ ده بر ضیافتك عقیبنده ، كثرت عیش وعشرتدن وفات ایتمشدر. خونجوار لغی و مخر بلكیله افتخار ایده رك، آتنك آیاق باضدیغی برده اوت بیتمد یكنی مقام تفخرده سویلر ایمش.