Attique ~ آتیق
Kamus-ul'Alam - Attique ~ آتیق maddesi. Sayfa: 34 - Sira: 6
Attique - آتیق
یاخود آتیقه ورومجه یونانك اوچ طرفی دكیز له محاط ویالكز شمال وغرب شمال طرفی (بیو تیا) و (مغاریده) خطه لریله محدود بر خطه سیدر، كه مركزی آتنه شهریدر. بو خطه دكیزك ایچنه كیرمش بر برون شكلنده اولوب، شرق طرفنده آطه لر دكیزی، وقارشیسنده آغریبوز آطه سی، وغرب طر
فنده دخی (اكینه) كورفزی وقارشیسنده اكینه و نام دیكر له (سالامینه) جزیره سی بولنیور . اك اوزون طولی ٨۰ و اك كنیش عرض ٤۰ كیلومتره در. بو كوچوجك مملكت زمان قدیمده نیجه بیوك قوتلره قارشی طوره بیلمش و علوم و فنون وصنایع و مدنیتده كافۀ امم عالمه تقدم ایتمش بر جمهوریت حالنده ایدی . بو كون ایسه بیوتیا واكینه آطه سیله برابر بر ایالت تشكیل ایدوب، بتوننك سطحی ٦٣٢٦ مربع كیلو متره، و اهالیسی ١٣٦٨۰۰ كشیدر. بو ایالت بش قضاضایه منقسمدر. اراضیسی طاغلق ایسه ده، یوكسك طاغلری دخی اولمیوب، اك مشهورلری (پارناس)، (هیمت)، (كیترون)، (پندلیك) و (لاوریون) طاغلریدر. بیوك نهر لری دخی اولمیوب، آتنه نك ایكی طرفنده آقان (ایلیسیوس) و (سفیس) نهرلری شعرا طرفندن بیودلمش ایكی دره دن عبارتدر. آتیقه نك اراضیسنی زراعتدن زیاده چكی مرعاسی اولمغه صالح اولوب، آنجق اوزوم وزیتو نلری چوقدر. بیوتیانك طوپراغی ایسه دها ایی اولوب، زراعته و صیغیر یتیشدیر مكه صالحدر. (لاوریون) طاغنده كومش معدنی چیقیور، وپند لیك طاغنك مرمرلری مشهوردر. آتیقه نك اكثریت اهالیسی آرناؤد جنسنه منسوبدر .
Kamusul Alam, Şemseddin Sami; Kamusul Alamde Attique maddesi. osmanlıcada Attique ne demek, Attique anlamı manası, Attique osmanlıca nasıl yazılır. Osmanlıca sözlükte Attique hakkında bilgi. Arapça Attique ne demek. Arapça osmanlıca sözlük. Farsçada Attique anlamı
Kamusul Alamde - آتیق Attique maddesi. Şemseddin Sami, Kamusul Alam Ansiklopedisi