Ahmed Paşa - احمد پاشا

(ملك _) سلطان محمد خان رابع زماننده صدارت عظمایه ناىٔل اولان وزرادن اولوب، آبازه جنسنه منسوبدر. حرم همایوندن یتیشوب، سلحدار ایكن، ١۰٤٨ تا-

ریخنده دیار بكر و بعده ارضروم والیلكنه تعیین اولمشیدی. ١۰٥٤ تاریخنده سلطان مراد رابع مرحومك كریمه سی (قیا) سلطانی تروجله، مصاهرت پادشاهی شرفنه ناىٔل اولدقدن صكره، بش آلتی سنه حلب و شام والیلكنده بولنمش، و درسعادته عودتنده ١۰٦۰ تاریخنده بغداد والیلكنه تعیین اولنمش ایسه ده، عزیمت ایتمزدن ایرتسی كونی مسند صدارته ترفیع اولنمشدر. او صره ده خزینه جه مضایقه زیاده اولدیغندن، بوكا ب رچاره اولمق اوزره، بر طرفدن بعض معاشات و وظاىٔفك قطعنه و بر طرفدن دخی ارباب تجارته یكیدن ویركیلر طرحنه تشبث ایتدیكندن، حاصل اولان عمومی خشنودسزلق و شكایت اوزرینه، ١٣ آیلق صدارتدن صكره، ١۰٦١ ده عزل، و سلستره والیلكنه نصب اولنمشدر. بعده حلب والیسی ابشیر پاشا صدارته تعیین اولندقده، و صولنه دكین وكالت ایتمك اوزره، قاىٔمقام نصب اولنمش ایسه ده، بالاصاله صدارتی احراز داعیه سنده بولندیغندن، ابشیر پاشا نك و صولنی متعاقب معلقره یه نفی اولنمش؛ و بر مدت صكره عفو اولنه رق، یدی سكز سنه بعض ایالتلر والیكنده بولنوب، ١۰٧٣ تاریخنده ٦۰ یاشلرنده وفات ایتمشدر.