İbnin Neccar - ابن النجار

(حافظ محب الدین محمد بن محمود) بغدادك مشاهیر علماسندن اولوب، حدیث و تاریخده وساىٔر علوم كثیره ده عصرینك فریدی ایدی. مشهور خطیب بغدادینك ((تاریخ بغداد)) ینه ٣۰ جلددن مركب مكمل بر ذیل یازمشدر. كه تاریخ مذكوردن عد اولنمامقده در. ابن الجوزی كبی كبار محدثیندن اوقومش. و استماع احادیث شریفه مقصدیله شام، مصر، حجاز، اصفهان، خراسان، نیسابور، هرات و مرو كبی ممالك بعیده یه سیر و سیاحت ایتمشیدی. مذكور تاریخدن بشقه ((القمر المنیر فی المسند الكبیر)) عنوانیله بر بیوك اثری

واردر، كه ایچنده صحابۀ كرامك هر برینه اسناد اولنان احادیث شریفه یی آیری آیری ذكر ایدیور. مؤلفات ساىٔره سی وجه آتی اوزره در : ((كنزالامام فی معرفة السن الاحكام)) ، ((والؤتلف))، ((المتفق و المفترق))، ((نسبة المحدثین الی الآباء والبدان))، ((العوالی))، ((المعجم)) ، ((جنة الناظرین فی معرفة التابعین))، ((الكمال فی معرفة الرجال))، ((العقدالفاىٔق))، ((الدرة الثمنیة فی اخبارالمدینة))، ((نزهة الوری فی اخبار القری))، ((روضة الاولیا فی مسجد ایلیا))، ((الازهار فی انواع الاشعار))، ٦ جلد اوزره ((سلوة الوحید و غررالفواىٔد))، ((مناقب الشافعی))، ((الزهر فی محاسن شعراء اهل العصر))، ((نشوان المحاضره))، ((نزهة الطرف فی اخبار اهل الطرف))، ((اخبار المشتاق فی اخبار العشاق)) ، ((الشافی فی الطف)) وساىٔره ٥٧٨ تاریخنده طوغوب، ٦٤٣ ده وفات ایتمشدر. آثارینك جدیتی عنوانلرندن آكلاشلدیغی كبی، اشعاری دخی كوزل اولوب، شو قطعه او جمله دندر : وقاىٔل قال یوم العید لی ورأی تململی ودموع العین تنهمر مالی اراك حزیناً باكیا اسفا كاء ن فلبك فیه النار تستسعر فقلت انی بعید الدار عن وطن و مملق الكف والاحباب قد هجروا