İbni Raşd - ابن رشد

(قاضی ابو الولید محمد بن احمد) اعاظم حكمای اسلامدن اولوب، طب و حكمتده عصرینك فریدی و بلكه مدنیت اسلامیه نك زبده سی اولدیغی كبی، فقه و خلاف وساىٔر علومده دخی بینظیر ایدی. ٥١٤ تاریخنده كرسیٔ اندلس اولان قرطبه شهرنده طوغوب، علمای عصرندن تحصیل علم ایتمش؛ و حیكم ابن زهر و ابن عربی كبی مشاهیر عصریله عقد روابط اختلاط و محبت ایلمشیدی. ملوك اندلسدن مهدی بن یوسفك نظر توجهنی قزانه رق، قرطبه و بعده اشبیلیه قاضیلغنه تعیین اولنمش ایدی. مذكور مهدینك‌ خلفی اولان منصوردن دخی فوق العاده حرمت ورعایت كورمش ایسه ده، بعده كروه متعصبین حكیم مشارالیهی اعتقادسزلق و الحاد ایله اتهام ایده رك، منصوری علیهنده قاندیردقلرندن، ابن رشد یهودیلرده مخصوص اولان (یسانه) قصبه سنده اقامته مأمور اولمش؛ و بعده مراكشه دعوت اولنوب، اورایه كیتمكله فوق العاده حسن قبول كورمش ایسه ده، متعاقباً ٥٩٥ تاریخنده اوراده وفات ایتمشدر. جنازه سی‌ ابتدا مراكشده دفن اولنمش ایسه ده، بعده چیقاریلوب، قرطبه یه نقل اولنمشدر. و فرت ذكا، كثرت مطالعه ورصانت تنقید و محاكمه ایله مشهور اولوب، حكمای اسلامك اك بیوكی عد اولنسه سزادر. افكارنده پك سربست كورینمسی. فقهده وساىٔر علوم دینیه ده دخی و ثوقی اولمغله، خطان قورقمدیغندن ایلری كلیور. هر حالده حكمای اسلامك اك سربست لسان قوللانانیدر. و بوندن طولایی پك چوق اعتراضاته اوغرایوب، دفعاتله تكفیر اولنمشدر. آثاری مؤخراً لاتینجه یه ترجمه اولنه رق، مدت مدیده آوروپا مدارسنده دستور العمل اتخاذ اولنمش؛ و آنجق كروه رهابین طرفندن ابن اسمنه شمدی (وولتر) نامنه باقلدیغی نظرله باقیله رق، افكارینه تبعیت ایدنلر تعقیب و تعذیب اولنوردی. آثارندن عربیده نسخه لری نابود اولان بر چوق كتابلرك لاتینجه ترجمه لری موجوددر. باشلیجه مؤلفاتی شونلردر : صحابه و تابعین و ساىٔر علمابیننده مختلف فیه اولان مساىٔل جامع ((التحصیل)) ،

لنه داىٔر (( فصل المقال)) عنوانلی بر كوچك كتابی، وجود عالم حقنده سلاسفۀ مشاىٔون ایله متكلمین اسلام اعتقادلری آره سنده مقارنت بولندیغنه داىٔر بر تألیفی، ((كلیات)) عنوانلی كتابنده تعریف ایتدیكی ادویه حقنده كندیسیله ابو بكر بن طفیل آره سنده واقع اولان مباحثات و مناظراتی جامع بر رساله سی، ابن سینانك ((شفا)) عنوانلی كتابنده علم الهی یه متعلق اولان بعض مساىٔلك تحقیقنه داىٔر بر اثری، مادۀ اولانك و جودینه داىٔر اولان قول حكمایه اعتراض ایدنلرك شبهه لرینه وبو بابده آرسطو طرفندن درمیان اولنان بر هانك حق اولدیغنه داىٔر بر كتابی، ابن سینانك موجوداتی ممكن مطلق و ممكن بذاته و واجب وبغیره و واجب بذاته كبی درت قسمه تقسیم ایتمسنی ر دیولنده بر مقاله سی وساىٔر‌ بعض آثاری واردر. آوروپاجه (ابن رشد) دن غلط اوله رق (آوروىٔس) اسمیله‌ مشهوردر. فرانسه مشاهیر علمای شرقیونندن (ارنست رنان) صاحب ترجمه نك احوال و افكاریله فلسفۀ مخصوصه سی وتألیفاتی حقنده بیوك بر كتاب تألیف ایدوب، اوچنجی دفعه اوله رق ١٨٦٦ تاریخ میلادیسنده پارسده (میشل لوی) طرفندن طبع اولنمشدر.