ابن جزار

Osmanlica ansiklopedi kamus alemde ابن جزار maddesi. Sayfa:613


İbni cizar - ابن جزار

(ابو جعفر احمد بن براهیم) دردنجی عصر هجری اواىٔلنده ظهور ایدن مشاهیر اطبای اسلامدن اولوب، قیروانده تولد و نشأت ایتمشدر. پدری و عمی دخی اطبادن ایدی. صاحب ترجمه طبده ید طولی صاحبی اولوب، تشخیص و تداوىٔ مرضاده اعجاز كارانه بر مهارت كوسترمش، و فن طبك اقسامنده بر چوق مؤلفات نافعه براقمش اولدیغی كبی، تاریخ و علوم ساىٔره یه داىٔر دخی بعض آثاری واردر. تألیفات معروفه سی شونلردر : ((زادالمافر)) و نام دیكر له ((كتاب فی علاج الامراض)) ٢ جلد، ((اعتماد)) و نام دیكرله ((كتاب فی الادویة المفرده))، ((بغیه)) ونام دیكرله ((كتاب فی الادویة المركبة))، ((كتاب العدة فی طول المدة))، عصری علماسنك تراجم احوالنی جامع اولان ((كتاب التعریف بصحیح التاریخ))، ((رسالة فی النفس و فی اختلاف الاواىٔل فیها))، ((كتاب فی المعدة و امراضها و مداواتها ))، ((كتاب طب الفقراء))، ((رسالة فی ابدال الادویة))، ((كتاب فی الفرق بین العلل التی تشبته اسبابها و تختلف اعراضها ))،‌ ((رسالة فی التذر من اخراج الدم من غیر حاجة دعت الی اخرا اجها))، ((رسالة فی الزكام و اسبابه و علاجه))، ((رسالة فی النوم و الیقظة))، ((مجربات فی الطب))، ((مقالة الجذام و اسبابه و علاجه))، ((كتاب الخواص))، ((نصایح الابرابر))، ((كتاب المختبرات))، ((كتاب فی نعت الاسباب المولدة اللوباء

فی مصر و طریق الحیلة لدفع ذلك و علاج ماتیخوف منه))، ((رسالة فی الاستهانة بالموت))، ((رسالة فی المقعدة و اوجاعها))، ((كتاب المكلل فی الادب))، ((كتاب البلغة حفظ الصحة))، ((مقالة فی الحمامات))، ((كتاب اخبار الدولة))، ((كتاب الفصول فی ساىٔر العلوم و البلاغات))، صاحب ترجمه سكسان سنه دن زیاده یاشامشدر. تعداد اولنان آثارندن ((كتاب العدة فی طول المدة)) عنوانلی تألیفنك كتب طبیۀ عربیه نك اك بیوكی اولیغنی ابن ابی اصیبعه بیان ایدیورسه ده، جمال الدین ابن قفطی ((قوت المقیم)) عنوانیله ٢۰‌بیوك جلددن مركب بر طب كتابی كورمش اولدیغنی ((تاریخ الحكما)) سنده روایت ایدیور، كه بو تقدیرده صاحب ترجمه نك كتاب مذكوری بیوكلكده ایكنجی درجه ده قالیور.

Kamusul Alamde İbni cizar maddesi, ابن جزار osmanlica tarih ve cografya ansiklopedisi İbni cizar nedir anlami. hakkinda bilgi



3 10 17 24 31 38 45 52 59 66 73 80 87 94 101 108 115 122 129 136 143 150 157 164 171 178 185 192 199 206 213 220 227 234 241 248 255 262 269 276 283