ابن باجه

Osmanlica ansiklopedi kamus alemde ابن باجه maddesi. Sayfa:605


İbni Baca - ابن باجه

(ابو بكر محمد بن یحی بن صاىٔغ) اعاظم و اطبای اسلامدن اولوب، اندلسك سرقسطه (یعنی اسپانیانك سراغوسه) ایالتنه ملحق (تجیب) بلده سنده طوغمش، و بناءً علیه تجیبی وسرقسطی نسبتلریله و ابن صاىٔغ لقبیله دخی شهرت بولمشدر. آلتنجی قرن هجری اواىٔلنده بشأت ایدوب، فلسفه، حكمت، ریاضیات، طبیعیات، طب وساىٔر علوم عقلیه ده عصرینك و حیدی، و بلكه اعصار سالفه ده ظهور ایدن حكمای اسلامك دخی سر بلندی ایدی. شاكردانندن اولوب، بعض آثارینی جمع و تدوین ایدن غر ناطه لی ابو الحسن علی بن امام مجموعۀ مذكوره نك مقدمه سنده : عالم اسلامده فارابیدن صكره ابن باجه دن بیوك حكیم كلمدیكنی بیان ایله، صاحب ترجمه یی ابن سینایه و امام غزالی یه دخی ترجیح، و وجه ترجیحنی دلاىٔل مقنعه ایله اثبات ایتمشدر. ابن باجه نك جملۀ شاكردانندن بری حكیم مشهور ابن رشد ایدی. سر قسطه ده بر مدت تدریس علوم و دنونله اشتغال، و بر مدت سرقسطه صاحبی ابو بكر صحر اوی یه وزارت ایتدكدن صكره، فاسه رحلتله، عالمكیر اولمش اولان صیت و شهرتی مقتضاسنجه، اوراده دخی حرمت و عزت كوره رك،‌ یحیی بن یوسف بن تاشفینه وزیر اولمشیدی. كرك علوم حكمیه و طبیعیه و ریاضیه ده و كرك طبده اولان معلومات واسعه و اقتدار فوق العاده سی صنوف علما واطبا ایچنده بر چوق حود پیدا ایتمكده سبب اولمغله، او زمانلرده عادت اولدیغی اوزره، بونلر ابتدا عقیده سنه اعتراضله، تكفیریه مسارعت ایده رك، بر چوق نكبتلره دوچار ایتدكدن صكره، نهایت ٥٢٣ (ویا ٥٢٥ ویاخود ٥٣٣) سنه سی رمضاننده فاسده تسمیم ایتمشلردر. وفاتنده پك كنج یعنی اوتوز اوتوز بش یاشلرنده اولمغله، تألیفات كثیره سنی نطامنه قومغه موفق اوله میوب، بعضیسی قاریشیق بر حالده بولنمشدر. باشلیجه آثاری شونلردر : ((شرح كتاب السماع الطبیعی الارسطو طالیس))، ((قول علی بعض كتاب الاثار العلویه لارسطوطالیس))، ((قول علی بعض كتاب السكون و الفساد لارسطوطالیس))، ((قول علی بعض المقالات الاخیرة من كتاب الحیوان لارسطوطالیس))، ((كلام علی بعض كتاب البنات لارسطوطالیس)) ، ((قول ذكر

فیه الىٔشوق وماهیىٔه))، ((رسالة الوداع))، ((قول یتلور رسالة الوداع))، ((كتاب اتصال العقل بالانسان))، ((قول علی القوة النزو عیة))، ((فصول تنضمن القول علی اتصال العقل بالانسان))، ((كتاب تدبیر المتوحد))، ((كتاب النفس))، ((تعالیق علی كتاب ابی نصر فی الصناعة الذهنیه))، ((فصول قلیلة فی السیاسة المدینه و كیفیة المدن و حال المتوحد فیها))، ((نبذ یسیرة علی الهندسة والهیىٔة))، ((تعالیق حكمیة))، ((جواب الماسىٔل عن هندسة ابن سید المهندس و طرقه)) ، ((كلام علی شىٔ من كتاب الادویة المفردة الجالینوس))، ((كتاب التجربتین علی ادویة ابن واقد)) كه ابو الحسن سفیان ایله مشتركاً یازمشلردر، ((كتاب اختصار الحاوی اللرازی))، ((كلام فی الغایة الانسانیة))، ((كلام فی البرهان))، ((كلام فی الاسطقسات))، ((كلام فی الفحص عن النفس النزو عیة و كیف هی و لم تنزع و بما ذاتنزع))، ((كلام فی المزاج بما هو طبی)). ابن باجه نك اكثر آثاری لاتین لساننه ترجمه اولنه رق، مدت مدیدة آوروپا مدارسنده دستور العمل طوتلمش؛ ب كندیسی آوروپاجه (آون باجه) اسمیله شهرت بولمشدر. ادبیاتده دخی ید طولاسی‌ و طبیعت شعریه سی اولوب، شو قطعه جملۀ اشعارندندر : لاوالذی جعل الغصون معاطفاً لهم و صاغ الاقحوان ثغورا مامر بی ریح الصبا من بعد هم الا شهقت له فعاد سعسیرا

Kamusul Alamde İbni Baca maddesi, ابن باجه osmanlica tarih ve cografya ansiklopedisi İbni Baca nedir anlami. hakkinda bilgi



2 9 16 23 30 37 44 51 58 65 72 79 86 93 100 107 114 121 128 135 142 149 156 163 170 177 184 191 198 205 212 219 226 233 240 247 254 261 268 275 282