ابراهیم

Osmanlica ansiklopedi kamus alemde ابراهیم maddesi. Sayfa:529


İbrahim - ابراهیم

خلفای‌ امویه نك اون اوچنجیسی اولوب، ولید بن عبدالملك بن مروانك اوغلی و اون ایكنجی خلیفه اولان یزیدك برادریدر. ١٢٦ سنۀ هجریه سی آخرنده، یزیدك وفاتی اوزرینه، مسندنشین خلافت اولمش ایسه ده، محمد بن مروان بن حكمك اوغلی مروان ابراهیمك ضعف وكوشكلندن بالاستفاده، اعلان وعصیان ایله، خلقی كندیسنه بیعته دعوت ایده رك، بر چوق طرفدارلر پیدا ایتمكله، حكمدار سابق یزیدك اوغللری حكم و عثمانی طلب ایتدیكندن، ابراهیم بونلری قتل ایتدیرمش؛ و بعض محارباتدن صكره، ابراهیم استیمانه مجبور اولمش؛ و بو وجهله اوچ آی سلطنت سوردكدن صكره، نوبت سلطنت مروانه كچمش؛ و ابراهیم بونك معیتنده قالوب، مؤخراً ابو مسلمك ظهوری اوزرینه، بنی امیه نك سلطنتنه ختام ویرن وقوعات آره سنده، ١٣٢ تاریخنده موصله قریب (زاب) نهری جوارنده واقع اولان مغلوبیتده مروانك معیتنده بولنمغله، معاً فرار ایدركن، نهرده غرق اولمشدر.

Kamusul Alamde İbrahim maddesi, ابراهیم osmanlica tarih ve cografya ansiklopedisi İbrahim nedir anlami. hakkinda bilgi



3 10 17 24 31 38 45 52 59 66 73 80 87 94 101 108 115 122 129 136 143 150 157 164 171 178 185 192 199 206 213 220 227 234 241 248 255 262 269 276 283