Ayasofya ~ آياصوفيه
Kamus-ul'Alam - Ayasofya ~ آياصوفيه maddesi. Sayfa: 507 - Sira: 3
Ayasofya - آياصوفيه
استانبولده طوپ قپوسرای همایونی خارجنده جسیم بر جامع شریف اولوب، شرق جهتنده قارشیسنده عدلیه نظارتی داىٔره سی بولنیور. میلادك ٣٢٥ تاریخنده روما ایمپراطورلرندن اك اول تنصر ایتمش اولان بیوك قسطنطین طرفندن، اخشاب اوله رق، كلیسا صورتنده بنا اولنوب، صفات اللهدن اولان ((حكمت مقدسه )) یه دلالت ایتمك اوزره (آیاصوفیا) تسمیه اولنمشدر. بعده آرقادیوسك زماننده یانوب، بونك اوغلی (تىٔودوسیوس) طرفندن مجدداً ودها مكمل صورتده یاپلمش ایسه ده، (یوستنیایوس) زماننده ظهور ایدن بر بیوك اختلال صره سنده وقوع بولان یانغینده یكیدن یانمش؛ و او وقت (یوستنیانوس)، اختلالدن ضرر دیده ومأیوس اولان اهالی یه مدار تسلیت اولمق اوزره، مبالغ كلیه صرفیله، بو معبدی كار كیر اوله رق شمدیكی صورتده بنا ایتمشدر. معمارلری اوزمانلرك مشاهیر ریاضیونندن (تراله) لی (آنتمیوس) ایله میلتلی (ایسیدور) ایدی. آنتمیوس بو معبدی معابد قدیمه طرزنده بنا ایدرك، قبه سنی نصف كره شكلنده داىٔروی یاپمغله برابر، بو قبه یی درت كمرك اوزرینه طوردیروب، بو درت كمرك هر بری خارجنده ربع كره شكلنده برر نصف قبه دخی یاپمغله، او وقت بین النصارا عادت اولدیغی اوزره، معبده بر چلیچا شكلی ویرمكه اوزنمشدر. مرقوم یوستیانوسك زماننده وقوم بولان شدتلی بر حركت ارض صره سنده معبدك قبه سی ییقلمغله، ذكری سبقت ایدن ایسیدورك یكنی اولان دیكر بر معمار ایسیدور معرفتیله یكیدن بنا اولنمشدر. كه الآن باقی اولان قبه در. ایسیدور قبه یی داىٔروی یاپمیوب، بیضوی شكلنده یاپمش، ومنانت
(آندرونیق) زماننده قبه نك برطرفی مشرف خراب اولدیغی حالده، مرقوم زوجه سندن قالمش اولان كلیتلی بر مبلغی صرفله، خارجاً الیوم موجود اولان بر طاقم دیرسكلر بنا ایتدیره رك، ییقلمه سنك اوكنی آلمشدر. صكره كی ایمپراطورلر دخی داخلی وخارجی بعض تعمیرات وتزیینات اجرا ایتمشلردر. هجرت نبویه نك ٨٥٧ تاریخنده ابو المغازی سلطان محمد خان ثانی حضرتلری استانبولی فتح ایدنجه، معبد مذكوری جامع شریفه تحویل ایتمكله، او وقتدنبری سجده كاه مؤمنین‌اولمشدر. فاتح مشارالیه آیا صوفیه یه بر طوغله مناره ایله بر مدرسه علاوه ایدوب، بعض اوقاف دخی تعیین بیورمشلردی. سلطان بایزید ولی حضرتلری باب همایون كوشه سنده برمناره دها علاوه ایله برابر، مدرسه یی توسیع، و اوقافنه ضم ایتمشلردر. دیكر ایكی مناره سلطان سلیم ثانی، ودرون جامعسده كی مرمر كوپلرله درت مرمر محفل سلطان مراد ثالثك، طاش كرسی سلطان مراد رابعك، طبقۀ اولاده كی محفل همایون ایله، جامعك اتصالنده كی كتبخانه وشادروان و مكتب و عمارت سلطان محمود اولك همت شاهانه لریله علاوه اولنمشدر. لوحه لرك جلی خطی تكنه جی زاده خطاط ابراهیم افندیكندر. بیوك قبه یه آصیلی اولان طوپ قندیل سلطان احمد خان ثالثك اواخر سلطنتنده وضع اولنوب، اصلنده اونك یرنده بیوك بر آلتون طوپ وار ایدی. آیاصوفیه جامع شریفی جوارنده بش تربه واردر: بری سلطان سلیم ثانی یه محصوص اولوب، دردننده حرمی نوربانو سلطان ایله كریمه وشهزاده لری وسلطان مراد ثلثك كریمه وشهزاده لرندن ٤٢ كشی مدفوندر. ایكنجیسی سلطان مراد خان ثالثك ٤٢ كشی مدفوندر. ایكنجیسی سلطان مراد خان ثالثك تربه سی اولوب، دروننده متعلقاتندن ٥٣ ذات مدفوندر. اوچنجیسی سلطان محمد خان ثالثك تربه سی اولوب، دروننه متعلقاتندن ٢٥ وخارجنده دخی ٤ ذات مدفوندر. دردنجیسی سلطان مصطفی خان اول ایله سلطان ابراهیمك تربه سی دروننده متعلقاتلرندن ١٣ ذات دها مدفوندر. بشنجیسی سلطان مراد خان ثالثك درت شهزاده لریله بر كریمه سنك مرقدلرینی حاویدر. كوچك آیاصوفیه نامیله دیكر بر جامع شریف دها بولندیغندن، بوكا (آیاصوفیای كبیر) دخی دیرلر.
بو جامع شریفك جوارلرنده كی محله یه دخی (آیاصوفیه محله سی) دینور.
Kamusul Alam, Şemseddin Sami; Kamusul Alamde Ayasofya maddesi. osmanlıcada Ayasofya ne demek, Ayasofya anlamı manası, Ayasofya osmanlıca nasıl yazılır. Osmanlıca sözlükte Ayasofya hakkında bilgi. Arapça Ayasofya ne demek. Arapça osmanlıca sözlük. Farsçada Ayasofya anlamı
Kamusul Alamde - آياصوفيه Ayasofya maddesi. Şemseddin Sami, Kamusul Alam Ansiklopedisi
Ayasofya ~ آياصوفيه güncel sözlüklerde anlamı:
AYASOFYA ::: İstanbul'daki bu ilk kilisenin açılış resmi Mi : 325 tarihinde yapılmıştır. 513 senesi Ocak ayının 13-14. gecesi bir yangın esnası bina kâmilen yanmış. O zaman İmparator Justinyanus yeniden yaptırmış. 573 de binanın resm-i küşâdı yapılmıştır.Osmanlılarca 29 Mayıs 1453'de İstanbul fethedilince Fatih Sultan Mehmed yaya olarak Kiliseye girmiş ve müezzine ezan okutarak maiyeti ile beraber namaz kılmıştır. Ayasofyanın câmi halinde kıyâmete kadar devamını vasiyet etmiş, fakat maalesef câmi 1934 de bir müze haline getirilmiştir.
Ayasofya ::: şimdi müze olan önemli bir cami.
ayasofya ::: şimdi müze olan önemli bir cami , istanbul'daki bu ilk kilisenin açılış resmi mi : 325 tarihinde yapılmıştır , 513 senesi ocak ayının 13-14 , gecesi bir yangın esnası bina kamilen yanmış , o zaman imparator justinyanus yeniden yaptırmış , 573 de binanın resm-i küşadı yapılmıştır , osmanlılarca 29 mayıs 1453'de istanbul fethedilince fatih sultan mehmed yaya olarak kiliseye girmiş ve müezzine ezan okutarak maiyeti ile beraber namaz kılmıştır , ayasofyanın cami halinde kıyamete kadar devamını vasiyet etmiş , fakat maalesef cami 1934 de bir müze haline getirilmiştir
AYASOFYA :::